وتباسى تۋرالى ولەڭدەر مەن تاقپاقتار
ءبىر ۇيدە ءبىز نەشەۋمىز؟
كەل سانايىق ەكەۋمىز.
باس بارماعىم — اتام،
بالان ۇيرەك — اپام،
ورتان تەرەك — اكەم،
شىلدىر شۇمەك — انام،
كىشكەنتاي بوبەك — مەن.
ءبىز ۇيدە نەشەۋمىز؟
ءبىز ۇيدە — بەسەۋمىز.
***
ەڭ جاقىن ادامدار،
اكەم مەن انام بار.
اكەمنىڭ اكەسى،
اق باستى اتام بار.
اكەمنىڭ شەشەسى،
اق شاشتى اجەم بار.
ۇلداردىڭ ۇلكەنى،
ءبىر تۋعان اعام بار.
قىزداردىڭ ۇلكەنى،
ءبىر تۋعان اپكەم بار.
ۇلداردىڭ كىشىسى،
ءبىر تۋعان ءىنىم بار.
قىزداردىڭ كىشىسى،
ءبىر تۋعان قارىنداس،
اپكەگە — ءسىڭلى بار.
***
اتا-انا اسقار تاۋ الدىمداعى
ءارقاشان اسقاقتايسىڭ الدىمدا ءالى
ءوزىڭ بەرگەن ونەگە تاربيەڭمەن
باقىتتىمىز جانۇيا باۋىرىنداعى.
***
جىلجي بەرشى كەزىم ەمەس جاسقانار
بوگەي الماس ءبىلىم اتتى تاس قامال
وتاننىڭ اياۋلىسى بولارسىڭ
وتان دەگەن وتباسىنان باستالار.
***
اتامنان باستالار،
اجەمنەن قوستالار
وتباسىم مىنىلار:
ەڭ جاقىن ادامدار —
اكەم مەن انام بار،
ءبىر تۋعان اعام بار،
ءبىر تۋعان اپام بار…
ءبارىن جاقسى كورەمىن،
ەركەلەيمىن، ەرەمىن!
***
تيتتەي بوبەك كەزىمنەن
الديلەگەن ەمىزگەن،
ەركەلەتىپ كۇلگىزگەن،
العاش «اپا» دەگىزگەن.
***
كىشكەنتايى — مەن ءۇشىن
تاعات، بايىز تاپپايتىن،
نە جەمەسىن، نە ءىشسىن،
مەنسىز تاعام تاتپايتىن.
شومىلدىرىپ كەشكىسىن،
مەن جاتپاسام، جاتپايتىن —
انام مەنىڭ قانداي-دى!
ەرتە كەتىپ جۇمىسقا،
ۇيگە كەشتەپ قايتاتىن،
بولعان كۇندىز قۇرىلىستا
قىزىقتاردى ايتاتىن.
جاز كەلىسىمەن، كۇن قىزىپ،
ماشيناسىن جۇرگىزىپ،
بارلىق كورشى بالانى
ماعان قوسا مىنگىزىپ،
ارالايتىن دالانى،
قىدىرتاتىن قالانى —
اكەم مەنىڭ قانداي-دى!
قاراعاندا باسقاعا،
قىزىقتى كوپ باستايتىن.
كۇندە ەرتەمەن باقشاعا
مەنى اپارىپ تاستايتىن.
تالاي-تالاي ىستەردە
ۇلگى بولار بىزدەرگە
اعام مەنىڭ قانداي-دى!
ءتورت جاس ۇلكەن وزىمنەن،
وقي، جازا بىلەتىن.
مەنى تيتتەي كەزىمنەن
ويناتۋدى سۇيەتىن.
كىتابىنان كىل قىزىق
اڭگىمە وقىپ بەرەتىن —
اپكەم مەنىڭ قانداي-دى!
***
ءسىزسىز اكە — ەڭ اقىلدى، ەڭ سىرشىل
ءسىزسىز اكە — ەڭ جاقىنىم، ەڭ شىنشىل
شۋاق شاشقان قاشاندا اسىل جۇرەگىڭ
جانىمداسىڭ قامقورىمسىڭ بىلەمىن
قابىل العىن بالا جۇرەك تىلەگىن.
***
وتباسىم مەنىڭ — باقىتىم
وتباسىم مەنىڭ — شاتتىعىم
وتباسىم باردا ەشقاشان
ۇزىلمەس مەنىڭ ءۇمىتىم.
***
وتباسى — جىلى ۇيامىز،
تىرەگى — اتا-انامىز.
ۋىز ءسۇت ەمىپ وسىندا،
ۋىلجىپ بىزدەر وسەمىز.
وسىندا ۇلگى الامىز،
وسىندا ادام بولامىز.
ەركەلەپ، ويناپ، ەلىكتەپ،
وسىندا ءوسىپ تولامىز
تاربيە مەكتەپ — وتباسى،
اقىلدى باۋلىپ، ءتىل ۇشتار.
ورىمدەي تەزگە تارتىلعان
ادەپتى بەينە دۇرىستار.
اتا-انا بولسا ورنەكتى،
ۇل مەن قىز وسەر كورنەكتى.
اۋەزوۆ مۇحاڭ ايتقانداي:
تۇزەيىك بەسىك-جورگەكتى.
You Might Also Like
-
قۇرمەتتى اعايىن! مىنە، جەلىپ وتىرىپ، [جاسى] دەگەن بەلەسكە دە كەلىپ قالىپتى. مەن ءوزىم پايعامبار جاسى 63 جاسقا كەلسەم، ارتىمنان ەرگەن وكشەلەس ءىنىم بۇل دا [جاسى] شىعىپ وتىر. وتكەن ءومىر كوز الدىڭا كينو...
-
بيىل حيميادان نوبەل سىيلىعى ليتيي-يون باتارەياسىن جاساعاندارعا بەرىلەدى، دەپ nobelprize.org سايتى حابارلايدى.
