Photo: Tahir Xءاlfءا (https://www.pexels.com/@tahir) / Pexels
«ءوز تىزگىنىمە ءوزىم يەمىن!»: ءقىدىرالى بولمانوۆ جاراقات العانىنا قاراماستان، كونسەرتىن وتكىزگەنىن ايتتى
بەلگىلى پروديۋسەر ءقىدىرالى بولمانوۆ جاقىندا بولعان وقيعادان كەيىن الەۋمەتتىك جەلىدە جازبا جاريالاپ، جانكۇيەرلەرىنە العىس ايتتى. ول اياعىنا جاراقات العانىنا قاراماستان، كونسەرتىن توقتاتپاعانىن ءتۇسىندىردى.
بۇل تۋرالى Infohub.kz اقپارات اگەنتتىگى حابارلايدى.
جانكۇيەرلەرگە العىس
ءقىدىرالى بولمانوۆ بارلىق قالادا وتكەن كونسەرتتەرىنە كەلگەن كورەرمەندەرگە شىن جۇرەكتەن العىس ءبىلدىردى. ول حالىقتىڭ ىستىق ىقىلاسى مەن قولداۋىنا ەرەكشە ريزاشىلىعىن جەتكىزدى.
«بارلىق قالالاردا وتكەن، زال تولا كورەرمەندەرىمىز، كونسەرتتەرىمىزدى كورىكتەندىرگەن سىزدەر ەكەنىن ىستىق ىقىلاستارىڭىزدان، ۇزبەي قول سوققاندارىڭىزدان جۇرەگىمىزبەن سەزىندىك. مىڭ العىس! كەشەگى وقيعانىڭ وزىندە، قانشاما تىلەكتەرىڭىز جۇرەككە جەتتى. تىلەكتەرىڭىز اللادان وزدەرىڭىزگە مىڭداعان ەسە بولىپ قايتسىن! ءبىزدى قالاي جاقسى كورسەڭىز، جاراتقان اللا سىزدەردى جاقسى كورسىن!» – دەپ جازدى ونەر يەسى.
جاراقاتقا قاراماستان، ساحنادا
پروديۋسەر جاراقات العانى تۋرالى دا ايتىپ، نەگە كونسەرتتى توقتاتپاعانىن ءتۇسىندىردى. ونىڭ ايتۋىنشا، اياعىنا سىزات تۇسكەنمەن، بۇل جاعداي كونسەرتتىڭ ۋاقىتىن اۋىستىرۋعا سەبەپ بولا الماعان.
«كەشەگى ۆيدەونى سالعان سەبەپ – بىرەۋ-اق… ەرتەڭ الدارىڭىزعا سىلتىپ باسىپ “كراساۆچيك” بولىپ شىققاندا، تۇسىنبەي قالماسىن، ەردىڭ باسىنان نە وتپەيدى، ەڭ باستىسى باس امان… اياعىما سىزات ءتۇستى ەكەن دەپ، كونسەرت كۇنىن اۋىستىرۋعا كەلىسپەدىم. مىڭ بۇرالعان ءبيشى دە ەمەسپىن. كونسەرتىمىزدى كۇتكەن قانشاما تىڭدارمانىمىز بار. باس امان، اياق جازىلادى اللا قالاسا!» – دەدى ءقىدىرالى بولمانوۆ.
«ءوز تىزگىنىمە ءوزىم يەمىن»
سونىمەن قاتار، بولمانوۆ جىلقىعا قاتىستى ايتىلعان پىكىرلەرگە دە توقتالدى. ول ءوزىنىڭ ومىرلىك ۇستانىمىن ءبىلدىرىپ، ەشكىمنەن اقىل سۇرامايتىنىن ايتتى.
«بىرەۋ مۇسىركەسىن، بىرەۋ تاقىم تۋرالى اقىل ايتسىن دەگەن ماقسات جوق! قۇدايعا شۇكىر، ءوز تىزگىنىمە، ءوزىم يەمىن. جىلقى قاسيەتتى جانۋار، ات تىزگىنىن ۇستاپ، اۋىلدا وسكەن بالامىن. تاقىمىڭ تاس بولسا دا، تىزگىنىنە يە بولماساڭ – لاعىپ كەتەسىڭ. بىرەۋگە اقىل ايتۋدان اۋلاقپىن. ءارقايسىمىزدىڭ ءوز اقىلىمىز – وزىمىزگە ازەر جەتەدى. راس قوي؟ جىلقى قاسيەتتى بولعانىمەن – ول مال. الاسى دا، قۇلاسى دا بار. بۇل – سيتۋاسيا! شىبىن شاعىپ كەتتى مە، كىم ءبىلسىن»، – دەپ تۇيىندەدى ءسوزىن پروديۋسەر.
-
A former top aide to Ukraine's President is under investigation for alleged involvement in a scheme to launder millions of dollars، impacting major state enterprises.
-
Renowned producer Qydyrءاli Bolmanov shared his gratitude to fans and explained his decision to perform despite a recent injury، addressing public commentary.
