tengrinews.kz
وزبەك بلوگەرى قازاقستان اۋماعىندا كاسپيي تەڭىزىنە كولىگىمەن كىرگەنى ءۇشىن جاۋاپقا تارتىلدى
وزبەكستاندىق بلوگەر يلحومجون يولچييەۆتىڭ قازاقستاننىڭ كاسپيي تەڭىزىنە دجيپپەن كىرگەن ارەكەتى اكىمشىلىك جاۋاپكەرشىلىككە اكەلدى. ول 20 اەك كولەمىندە ايىپپۇل تولەدى.
بۇل تۋرالى Infohub.kz اقپارات اگەنتتىگى حابارلايدى.
بلوگەر ءوز پاراقشاسىندا جول تالعامايتىن كولىكپەن تەڭىزدىڭ جاعالاۋىمەن جۇرگەن ۆيدەوسىن جاريالاعان. ۆيدەو جەلىدە قىسقا ۋاقىتتا كوپ تارالىپ، جۇرتشىلىقتىڭ نازارىن اۋداردى. كەيىننەن يولچييەۆتىڭ ماڭعىستاۋ وبلىسىنداعى بوزجىرا شاتقالى ماڭىندا كولىگىمەن تىكەلەي كاسپيي تەڭىزىنە كىرگەنى انىقتالدى.
زاڭ بۇزۋشىلىق انىقتالدى
ماڭعىستاۋ وبلىستىق پوليسيا دەپارتامەنتىنىڭ مالىمەتىنشە، بلوگەر ق ر اكىمشىلىك قۇقىق بۇزۋشىلىق كودەكسىنىڭ 505-بابى («ەلدى مەكەندەردى اباتتاندىرۋ قاعيدالارىن بۇزۋ») بويىنشا جاۋاپقا تارتىلدى. وعان 20 اەك، ياعني 86 500 تەڭگە كولەمىندە ايىپپۇل سالىندى.
بۇعان دەيىن دە وسىنداي جاعداي بولعان. 2025 جىلى اقتاۋداعى جاعاجايلاردىڭ بىرىندە Toyota پيكاپىنىڭ جۇرگىزۋشىسى كولىكتى سۋعا ءتۇسىرۋ ءۇشىن تەڭىزگە كىرگىزىپ، ناتيجەسىندە كولىك قۇمعا باتىپ قالعان ەدى. سول كەزدە دە پوليسەيلەر جۇرگىزۋشىگە اتالعان باپ بويىنشا حاتتاما تولتىرعان بولاتىن.
-
الماتىداعى بەلگىلى "باراحولكا" بازارىنىڭ 300-دەن استام ساۋداگەرى جۇمىسىنان ايىرىلىپ قالۋدان قورقىپ، ءوز كونتەينەرلەرىن بوساتپاي وتىر. بيلىك بۇل بازاردىڭ بۇرىننان زاڭسىز جۇمىس ىستەپ كەلگەنىن ايتادى.
-
An Uzbek blogger faced administrative penalties and a fine for driving his vehicle directly into the Caspian Sea within Kazakhstan's territory.
