InfoHub Logo

اللا ەلشىسى مۇحاممەدكە ﷺ سالاۋات ايتۋ – ءاربىر مۇسىلمان ءۇشىن ساۋاپتى دا، ماڭىزدى امال. بۇل تەك ءدىني پارىز عانا ەمەس، سونىمەن قاتار پايعامبارىمىزدىڭ ﷺ شاپاعاتىنا بولەنۋگە، اللا تاعالاعا جاقىنداۋعا سەبەپ بولاتىن جول.

بۇل تۋرالى Infohub.kz اقپارات اگەنتتىگى حابارلايدى.

سالاۋات ايتۋدىڭ ماڭىزى

يسلام عالىمدارى قۇران اياتتارى مەن حاديستەرگە سۇيەنە وتىرىپ، پايعامبارىمىزدىڭ ﷺ اتى اتالعاندا ءبىر رەت سالاۋات ايتۋ – ءۋاجىپ، ال بىرنەشە رەت اتى اتالسا، سالاۋات ايتۋ – مۇستاحاب (ساۋاپتى ءىس) ەكەنىن ايتادى. سالاۋات ايتۋ ءبىزدىڭ دارەجەمىزدى كوتەرىپ، پايعامبارىمىزدىڭ ﷺ شاپاعاتىنا كەنەلتۋ ءۇشىن ايتىلادى.

دۇعانىڭ قابىل بولۋىنا سەبەپ

حاديستەردە سالاۋات ايتۋدىڭ دۇعانىڭ قابىل بولۋىنا سەبەپ بولاتىنى ايتىلعان. مىسالى، ومار (ر.ا.) جەتكىزگەن حاديستە: «جاسالعان دۇعالار، جەرىنە جەتپەستەن بۇرىن جەر مەن كوكتىڭ ورتاسىندا تۇرادى. ول پايعامبارىمىزعا ﷺ سالاۋات ايتقان كەزدە عانا جەتەدى» (تيرميزي 486). پايعامبارىمىز ﷺ: «ماعان ات ۇستىندەگى جولاۋشىنىڭ سۋ تورسىعىنا قاراعانداي قاراماڭدار. دۇعالارىڭنىڭ باسىندا، ورتاسىندا جانە سوڭىندا مەنىڭ اتىما سالاۋات جولداڭدار!» دەگەن (تيرميزي).

سالاۋات ايتۋدىڭ ۇلگىلەرى

پايعامبارىمىزعا ﷺ سالاۋات ايتۋدىڭ بىرنەشە ۇلگىسى بار:

ۇزدىكسىز سالاۋات ايتۋدىڭ ماڭىزى

اللا ەلشىسىنە ﷺ سالاۋات ايتۋدى ۇنەمى، ءتىپتى كەرەكتى كەزدە عانا ەمەس، ءاردايىم ايتىپ ءجۇرۋ ماڭىزدى. بۇل – جاراتۋشىعا جاقىنداۋدىڭ ءبىر سەبەبى. قۇراندا: «…وعان جاقىنداۋ ءۇشىن سەبەپ ىزدەڭدەر…» («ءمايدا» سۇرەسى، 35-ايات) دەپ ايتىلعان. پايعامبارىمىزعا ﷺ ايتىلاتىن سالاۋات ءبىزدى اللاعا جاقىنداتا تۇسەدى.

ءابۋ ءداردا (ر.ا.) جەتكىزگەن حاديستە پايعامبارىمىز ﷺ: «كىمدە-كىم تاڭعى جانە كەشكى ۋاقىتتاردا ماعان ارناپ ون رەت سالاۋات ايتىپ، سالەم جولداسا، قيامەت كۇنى مەنىڭ شاپاعاتىما بولەنەدى»، – دەگەن.

اللا تاعالا بارشامىزعا پايعامبارىمىزدىڭ ﷺ شاپاعاتىنا بولەنۋدى ءناسىپ ەتسىن! ءامين!