سولتان جەكسەنبەكوۆ / Kazinform
ۇقك شىعىس قازاقستان سوتىنىڭ قىلمىستىق القاسىنىڭ ءتوراعاسىن ۇستاۋدى راستادى
ۇلتتىق قاۋىپسىزدىك كوميتەتى (ۇقك) شىعىس قازاقستان وبلىستىق سوتىنىڭ قىلمىستىق ىستەر جونىندەگى سوت القاسىنىڭ ءتوراعاسى ءادىل باكيننىڭ ۇستالعانى تۋرالى اقپاراتتى راستادى.
بۇل تۋرالى Infohub.kz اقپارات اگەنتتىگى حابارلايدى.
بۇعان دەيىن سۋديانىڭ ۇستالعانى تۋرالى مالىمەتتەر الەۋمەتتىك جەلىلەردە تاراعان بولاتىن. جازبالاردا سوت القاسى باسشىسىنا قاتىستى پروسەسسۋالدىق ارەكەتتەردى ۇقك قىزمەتكەرلەرىنىڭ جۇرگىزىپ جاتقانى ايتىلعان.
وسىعان بايلانىستى Kazinform اگەنتتىگىنىڭ ءتىلشىسى ۇلتتىق قاۋىپسىزدىك كوميتەتىنە رەسمي ساۋال جولداعان.
«سوتقا دەيىنگى تەرگەۋ جۇرگىزىلىپ جاتقانىن حابارلايمىز. قازاقستان رەسپۋبليكاسى قىلمىستىق-پروسەستىك كودەكسىنىڭ 201-بابى 1-تارماعىنا سايكەس، وزگە اقپارات جاريا ەتىلمەيدى»، — دەلىنگەن ۇقك بولىمشەسى باسشىسى و. بەكتەنوۆتىڭ جاۋابىندا.
وسىلايشا، ۇقك سوتقا دەيىنگى تەرگەۋ جۇرگىزىلگەنىن راستادى، الايدا قىلمىستىق ءىس بويىنشا ءمان-جايلار، ۇستاۋ سەبەپتەرى جانە فيگۋرانتتىڭ پروسەسسۋالدىق مارتەبەسى ازىرگە اشىلمادى.
ءىستىڭ باسقا دا ءمان-جايلارى قاجەتتى تەرگەۋ ارەكەتتەرى اياقتالعاننان كەيىن نەمەسە قۇقىق قورعاۋ ورگاندارىنىڭ رەسمي مالىمدەمەلەرىنەن كەيىن بەلگىلى بولادى.
الەۋمەتتىك جەلىلەردە جوعارى لاۋازىمدى سۋديانىڭ ىستەردىڭ ءبىرى بويىنشا جازانى جەڭىلدەتۋ ءۇشىن 100 مىڭ دوللار پارا العان كەزدە ۇستالعانى ايتىلۋدا.
-
كازاحستانسكيي ستارتاپ JET، وسنوۆاننىي مەيرامبەكوم ابەلكاسوۆىم، ستال ليدەروم رىنكا ۆ برازيليي ي پلانيرۋەت ۋدۆويت سۆوي گودوۆوي دوحود دو $100 ملن.
-
Kazakhstan's National Security Committee confirms the detention of Adil Bakin، head of the criminal division at the East Kazakhstan Regional Court، as a pre-trial investigation is underway.
