InfoHub Logo

 پاۆلوداردا نازاربايەۆ زياتكەرلىك مەكتەبىنىڭ 8 «D» سىنىبىنىڭ وقۋشىسى ابىلايحان مۋستافين 8،35 سەكۋند ىشىندە 2ح2 نوميناسياسى بويىنشا «رۋبيك كۋبيگىن» جيناپ، ەكىنشى جىل قاتارىنان ءوز رەكوردىن جاڭارتتى،- دەپ جازادى pavlodarnews.kz. 

بۇل تۋرالى اگەنتتىككە ءبىلىم بەرۋ مەكەمەسىنىڭ باسپا ءسوز حاتشىسى رىمگۇل بوجاقانوۆا حابارلاعان.

- فيزيكا، ماتەماتيكا جانە ينفورماتيكا اپتالىعى اياسىندا ۇيىمداستىرىلعان «رۋبيك كۋبيگى» سايىسىنا قاتىسۋعا سەگىز وقۋشى ءوتىنىش بىلدىرگەن. جەڭىمپاز اتانعان ابىلايحان العاشقىدا كۋبيكتى 5-6 مينۋتتا جينايتىن. وتكەن جىلى 11،2 سەكۋندتا جيناپ شىققان ول بۇل كورسەتكىشتى الداعى ۋاقىتتا ءۇش سەكۋندقا دەيىن جەتكىزۋگە ماقسات قويىپ وتىر. سونداي-اق 10 «C» سىنىبىنىڭ وقۋشىسى سۇلتان شۋپەيەۆ كوزىن جاپقان كۇيىندە 2ح2 نوميناسياسىندا نەبارى 30،88 سەكۋندتا وسى كۋبيكتى قۇراستىرىپ شىعىپ، جەڭىمپاز اتاندى. مۇنداي ويىن ارقىلى بالانىڭ ويلاۋ قابىلەتىن دامىتۋعا بولادى، - دەيدى ر. بوجاقانوۆا.

بيىل وقۋشىلار رۋبيك كۋبيگىنىڭ كۇردەلى كومبيناسيالارىنان دا سىنعا تۇسكەن. بۇل  5ح5 اتالىمىندا 8 «D» سىنىپ وقۋشىسى الىشەر اشەكەيەۆ 6،43 مينۋتتا جەڭىسكە جەتسە، پيراميدانى جىلدام قۇراعان قاتىسۋشىلاردىڭ اراسىنداعى جالعىز قىز - 8 «D» cىنىپ وقۋشىسى امينا ەردەس تاپسىرمانى 13،44 سەكۋند ىشىندە ورىنداپ شىققان.

ايتا كەتەيىك، بىلتىر اقش-تا ءجاسوسپىرىم لۋكاس ەتتەر 3x3 نوميناسياسى بويىنشا، 4،9 سەكۋند ىشىندە «رۋبيك كۋبيگىن» جيناپ، الەمدىك رەكورد ورناتقان. ونىڭ بۇل جەتىستىگىن بۇكىل الەمدىك (World Cube Association) قاۋىمداستىعى تىركەگەن.

 

 

---