tengrinews.kz
پاۆلودارلىق وقۋشى 9 ءتىل ءبىلىپ، استانادان پاتەر ساتىپ الدى
پاۆلودارلىق 17 جاستاعى ايحانىم وقاسوۆا ەرەكشە جەتىستىككە جەتتى – ول 9 شەت ءتىلىن مەڭگەرىپ، استانادان ءوز اقشاسىنا پاتەر ساتىپ الدى. بۇل تۋرالى سەدموي كانال حابارلادى.
ايحانىمنىڭ تىلدەرگە دەگەن قىزىعۋشىلىعىن اناسى وياتقان. الدىمەن قازاق ءتىلىن جەتىلدىرىپ، كەيىن اعىلشىن تىلىنە اۋىسقان. ودان ءارى فرانسۋز تىلىندەگى اندەردى تىڭداپ، كورەي ءتىلىن ۇيرەنۋگە كىرىسكەن.
تىلدەردى قالاي مەڭگەردى؟
ايحانىم تىلدەردى كوبىنەسە وزدىگىنەن، ينتەرنەتتەگى ماتەريالداردى پايدالانىپ، ۆيدەو كورىپ، كىتاپ وقىپ ۇيرەنگەن. ول ءتىپتى اراب، كورەي، جۇڭگو تىلدەرى اراسىندا اۋدارما جاساپ، تاجىريبە جيناعان.
«مەن اراب تىلىنەن كورەي تىلىنە، كورەي تىلىنەن اراب تىلىنە، جۇڭگو تىلىنەن اعىلشىن تىلىنە، اعىلشىن تىلىنەن جۇڭگو تىلىنە اۋدارمالار جاسادىم. شەتەلدە تۇراتىن دوستارىممەن ونلاين سويلەسىپ، تىلدەردى جاتتىقتىردىم. بۇل مەنىڭ كوپ ءتىلدى مەڭگەرۋىمە كومەكتەسكەن شىعار»، - دەيدى ايحانىم.
ماقساتقا جەتۋ جولىنداعى تالپىنىس
وقۋشىنىڭ ايتۋىنشا، ەگەر ادامنىڭ ناقتى ماقساتى بولسا، ول كەز كەلگەن قيىندىققا توتەپ بەرە الادى. «مەن ءبىرىنشى سىنىپتا وقىپ جۇرگەندە، بولاشاقتا كوپ ءتىل بىلەتىنىمدى ەشكىمگە ايتسام، سەنبەس ەدى. ءبىراق مەن باستادىم، ماعان ۇنادى. قيىندىقتار بولدى، قاتەلەسكەن كەزدەرىم دە كوپ بولدى. ءبىراق مەن توقتامادىم»، - دەپ ءبولىستى ول.
ءقازىر ايحانىم مەكتەپتە وقىپ ءجۇرىپ، ونلاين تۇردە شەت تىلدەرىنەن ساباق بەرەدى. ول ءوز تاجىريبەسى ارقىلى شاكىرتتەرىنە سەنىم ۇيالاتىپ، ولارعا دا ءتىل ۇيرەنۋگە دەگەن قۇلشىنىس سىيلايدى. بولاشاقتا ايحانىم شەتەلدەگى بەدەلدى ۋنيۆەرسيتەتتە وقىپ، الەمدى كوپ ارالاۋدى ارماندايدى.
-
بۇگىن اقوردا تاراتقان رەسمي مالىمدەمەگە سايكەس، ەلنۇر سابىرجان ۇلى ەندى مەملەكەتتىك اپپاراتتىڭ ەڭ ماڭىزدى قۇرىلىمدارىنىڭ ءبىرىن باسقاراتىن بولادى.
-
مونعوليانىڭ وليمپيادالىق قۇراماسىنىڭ سپورتتىق كيىمى الەمدى تاڭ قالدىردى. بۇل كيىم تەك جايلىلىقتى عانا ەمەس، ۇلتتىق مادەنيەتتى دە پاش ەتەدى. Orda.kz بۇل جاڭالىقتى زەرتتەپ، قازاقستانعا نە ۇيرەنۋگە بولاتىنىن انىقتادى.
