اشىق دەرەككوز
پەتروپاۆلدا تەلەديدار پۋلتىنەن بولعان جانجال ادام ولىمىنە ۇلاستى
پەتروپاۆلدا تۇرمىستىق جانجال سالدارىنان ءبىر ادام قايتىس بولدى. وقيعاعا سەبەپكەر بولعان جاعداي – تەلەديدار ءپۋلتى.
بۇل تۋرالى Infohub.kz اقپارات اگەنتتىگى حابارلايدى.
تۇرمىستىق جانجالدىڭ تراگەدياعا اينالۋى
الدىن الا دەرەكتەر بويىنشا، وقيعا 7 اقپاندا پەتروپاۆل قالاسىنداعى جەكە ۇيلەردىڭ بىرىندە بولعان. سپيرتتىك ىشىمدىككە سىلقيا تويعان ەرلى-زايىپتىلار اراسىندا جانجال شىققان. اشۋعا بۋلىققان ايەل، قولىنا ىلىنگەن تەلەديدار پۋلتىمەن كۇيەۋىنىڭ باسىنان بىرنەشە رەت ۇرعان. سول كەزدە ۇيدە ولاردىڭ 35 جاستاعى تانىسى دا بولعان.
كەيىنگە شەگەرىلگەن كومەك
ايەل ەر ادامدى ۇرىپ-سوققاننان كەيىن، ەكەۋى ىشىمدىك ءىشۋدى جالعاستىرا بەرگەن. تەك كەلەسى كۇنى عانا ولار ەر ادامنىڭ جاعدايىنىڭ اۋىر ەكەنىن جانە شۇعىل مەديسينالىق كومەك قاجەتتىگىن تۇسىنگەن. الايدا، اۋرۋحانا دارىگەرلەرى شامامەن ەكى اپتا بويى ناۋقاستىڭ ءومىرىن ساقتاپ قالۋعا تىرىسقانىمەن، ونىڭ جاعدايى جاقسارماعان.
پوليسيا تەرگەۋى باستالدى
سولتۇستىك قازاقستان وبلىسى پوليسيا دەپارتامەنتىنىڭ باسپا ءسوز قىزمەتى بۇل دەرەكتى راستادى. قازىرگى ۋاقىتتا پەتروپاۆل قالاسىنىڭ 52 جاستاعى تۇرعىنىنىڭ ولىمىنە اكەپ سوققان دەنساۋلىققا اۋىر زيان كەلتىرۋ فاكتىسى بويىنشا سوتقا دەيىنگى تەرگەۋ جۇرگىزىلۋدە. كۇدىكتى رەتىندە 58 جاستاعى ايەل ۇستالىپ، ۋاقىتشا ۇستاۋ يزولياتورىنا قامالدى. تەرگەۋ امالدارى جالعاسۋدا.
-
A confrontation in Cuban territorial waters resulted in casualties when border guards opened fire on a U.S.-registered vessel carrying armed individuals.
-
ۇلتتىق قاۋىپسىزدىك كوميتەتى ەسىرتكىگە قارسى حالىقارالىق وپەراسيا بارىسىندا سينتەتيكالىق زاتتى تاركىلەدى.
