پرەزيدەنت CITIC GROUP باسشىسىمەن كەزدەستى: سەرىكتەستىككە جاڭا سەرپىن بەرىلدى
مەملەكەت باسشىسى قاسىم-جومارت توقايەۆ CITIC Group كومپانياسى ديرەكتورلار كەڭەسىنىڭ ءتوراعاسى سي گوحۋانى قابىلدادى. كەزدەسۋدە ەنەرگەتيكا، مۇناي-حيميا، اۆتوجول قۇرىلىسى، مينەرالدى سەكتور، اۋىل شارۋاشىلىعى جانە وزگە دە ستراتەگيالىق باعىتتارداعى ىنتىماقتاستىقتىڭ جاي-كۇيى مەن كەلەشەگى تالقىلاندى.
پرەزيدەنت اقتاۋ بيتۋم زاۋىتىن جاڭعىرتۋ جوباسىن مەرزىمىنەن بۇرىن اياقتاعانى ءۇشىن CITIC Group-قا ريزاشىلىعىن ءبىلدىرىپ، بۇل كومپانيانى قازاقستاننىڭ سەنىمدى ينۆەستيسيالىق سەرىكتەسى رەتىندە جوعارى باعالادى. سونداي-اق ول ەكى ەل اراسىنداعى ىسكەرلىك بايلانىستى ودان ءارى نىعايتۋ ماڭىزدى ەكەنىن اتاپ ءوتتى.
ءوز كەزەگىندە سي گوحۋا قىتايلىق كورپوراسيانىڭ قازاقستاندا مۇناي وڭدەۋ زاۋىتتارىن جاڭعىرتۋ، مۇناي قۇبىرلارىن سالۋ، ورتالىق – باتىس اۆتوجولىن جوندەۋ جانە استىقتى تەرەڭ وڭدەۋ سياقتى ءبىرقاتار جوبالاردى بىرلەسە جۇزەگە اسىرۋعا مۇددەلى ەكەنىن جەتكىزدى.
بۇل كەزدەسۋ ەكىجاقتى ەكونوميكالىق بايلانىستاردى جاڭا دەڭگەيگە كوتەرىپ، بىرلەسكەن جوبالاردىڭ اياسىن كەڭەيتۋگە جول اشادى.
You Might Also Like
-
قازاقستاندا كۇزەتشىلەرگە جاڭا تالاپ قويىلدى.بۇدان بىلاي 50 جاستان اسقاندار مەكتەپ پەن بالاباقشادا جۇمىس ىستەي المايدى،-دەپ حابارلايدى Infohub.kz ءتىلشىسى.
-
ءماجىلىس دەپۋتاتى مارات باشيموۆ جەمقورلىقپەن كۇرەستى كۇشەيتۋ ماقساتىندا باس پروكۋراتۋراعا جاڭا ۇسىنىس جولدادى. ول بويىنشا، شەنەۋنىك ءوز تابىسىنىڭ زاڭدى جولمەن كەلگەنىن دالەلدەي الماسا، مەملەكەت ونىڭ ...
