پرەزيدەنت مەملەكەتتىك ناگرادالار تاپسىردى
قاسىم-جومارت توقايەۆ مەملەكەت جانە قوعام قايراتكەرى راۆيل شىردابايەۆقا «وتان» وردەنىن، قازاقستاننىڭ ەڭبەك سىڭىرگەن قايراتكەرى سەرىك توقپانوۆقا I دارەجەلى «بارىس» وردەنىن سالتاناتتى تۇردە تابىستادى.
«اسىرەسە، مۇناي-گاز سالاسىن وركەندەتۋگە مول ەڭبەك ءسىڭىردىڭىز. ءسىزدىڭ باستاماڭىزبەن بۇل سالا جاڭا كەزەڭگە قادام باستى دەۋگە بولادى. مينيستر، وبلىس اكىمى، دەپۋتات رەتىندە ۇلت مۇددەسىنە ادال قىزمەت ەتتىڭىز. ديپلوماتيا سالاسىندا جۇمىس ىستەپ، ەلىمىزدىڭ حالىقارالىق بەدەلىن نىعايتۋعا اتسالىستىڭىز، – دەدى مەملەكەت باسشىسى.
سونىمەن قاتار پرەزيدەنت بىلىكتى دارىگەر، «التىن قولدى حيرۋرگ» رەتىندە سەرىك توقپانوۆتىڭ سانالى عۇمىرىن ۇلت ساۋلىعى ءۇشىن ەڭبەك ەتۋگە ارناعانىنا توقتالدى.
– دەنساۋلىق ساقتاۋ جۇيەسىندە ەلۋ جىلدان استام ۋاقىت بويى قىزمەت ەتىپ كەلەسىز. بۇل – جۇگى اۋىر، كۇردەلى جۇمىس. ءسىز ەڭبەك جولىڭىزدا اسا كۇردەلى وتالار جاساپ، مىڭداعان ادامنىڭ ءومىرىن ساقتاپ قالدىڭىز. قازاقستاننىڭ مەديسينا عىلىمىن دامىتۋعا وراسان زور ۇلەس قوستىڭىز، – دەدى توقايەۆ.
You Might Also Like
-
كاسىپكەر تيمۋر تۋرلوۆ قازاقستانداعى ەڭ باي ادام اتاندى
-
شەرزات بولات سوتىندا كۇلىپ بارا جاتقانداردىڭ ۆيدەوسىن تاراتقاندار جازالاندى،دەپ جازادى ينفوحاب ءتىلشىسى.
