InfoHub Logo

پرەزيدەنت قاسىم-جومارت توقايەۆ قازاقستان حالقىن ناۋرىز مەيرامىمەن قۇتتىقتادى،دەپ حابارلايدى Infohub.kz.

 ناۋرىز مەيرامى – مەملەكەت باسشىسى قاسىم-جومارت توقايەۆ ۇلىستىڭ ۇلى كۇنىن "Expo" كورمە ورتالىعىندا ۇيىمداستىرىلعان ەتنواۋىلدا حالىقپەن بىرگە اتاپ ءوتتى. پرەزيدەنت جينالعان جۇرتشىلىققا قۇتتىقتاۋ ءسوزىن ارناپ، ناۋرىز مەرەكەسىنىڭ ماڭىزدىلىعىن اتاپ ءوتتى.

"ۇلىستىڭ ۇلى كۇنى – ۇلتىمىزدىڭ ۇلىق مەيرامى. بۇل – ءبىزدىڭ اتا ءداستۇرىمىز. شۋاقتى كوكتەم مەرەكەسىندە بۇكىل دۇنيە قايتا جاڭعىرادى. كۇن مەن ءتۇن تەڭەلەدى. قازاق ەلى ءاز-ناۋرىزدى كونە زاماننان بەرى تويلاپ كەلەدى. ۇلىستىڭ ۇلى كۇنى بيىل دا قاسيەتتى ورازا ايىمەن تۇسپا-تۇس كەلىپ وتىر. ەلىمىز ءۇشىن مۇنىڭ ءمان-ماڭىزى زور. سەبەبى ءبىزدىڭ ءدىنىمىز بەن ءداستۇرىمىز – ەگىز. قوس قازىنامىز حالقىمىزدىڭ بىرەگەي بولمىسىن ايشىقتاي تۇسەدى"، – دەدى قاسىم-جومارت توقايەۆ.

سالتاناتتى شارا اياسىندا قازاقتىڭ ۇلتتىق داستۇرلەرى، ونىڭ ىشىندە قولونەر كورمەسى، ۇلتتىق ويىندار، حالىقتىق اندەر جانە تەاترلاندىرىلعان قويىلىمدار ۇسىنىلدى. پرەزيدەنت كوپشىلىكپەن بىرگە ناۋرىز كوجە ءىشىپ، ۇلتتىق تاعامداردان ءدام تاتتى.

ناۋرىز مەيرامى بيىل دا ەل ىشىندە كەڭىنەن تويلانىپ، استانا، الماتى، شىمكەنت جانە باسقا قالالاردا ءتۇرلى مادەني ءىس-شارالار ۇيىمداستىرىلدى. مەرەكە ەل بىرلىگى مەن تاتۋلىعىن نىعايتىپ، حالقىمىزدىڭ رۋحاني قۇندىلىقتارىن دارىپتەۋگە تاعى ءبىر قادام بولدى.