پرەزيدەنت قاسىم-جومارت توقايەۆ قازاقستاندىقتاردى كونستيتۋسيا كۇنىمەن قۇتتىقتادى
پرەزيدەنت قاسىم-جومارت توقايەۆ قازاقستان حالقىنا كونستيتۋسيا كۇنىنە ارنالعان قۇتتىقتاۋىن جولدادى.
– «قۇرمەتتى وتانداستار! بارشاڭىزدى كونستيتۋسيا كۇنىمەن قۇتتىقتايمىن! وسىدان 30 جىل بۇرىن وتكەن رەفەرەندۋمدا حالقىمىز اتا زاڭىن قابىلداپ، تاريحي تاڭداۋىن جاسادى. كونستيتۋسيا – قازاقستاننىڭ بارلىق ازاماتىنىڭ مۇددەسىن، ۇلتى مەن دىنىنە قاراماستان، بىردەي قورعايتىن الەۋمەتتىك مەملەكەت رەتىندەگى قۇقىقتىق ىرگەتاس»، – دەدى پرەزيدەنت.
مەملەكەت باسشىسى اتا زاڭنىڭ قوعامداعى كەلىسىم مەن تۇراقتىلىقتىڭ نەگىزگى كەپىلى ەكەنىن اتاپ ءوتتى. ونىڭ ايتۋىنشا، ءۇش جىل بۇرىن ەل دامۋىنىڭ جاڭا تاريحي كەزەڭىنە ساي اۋقىمدى كونستيتۋسيالىق رەفورما جۇزەگە اسىرىلعان.
– «بۇل رەفورمانىڭ باستى ناتيجەسى – ساياسي جۇيەنىڭ "كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت" قاعيداتى بويىنشا جاڭعىرۋى. سونداي-اق ادام قۇقىقتارىن قورعاۋعا، زاڭ مەن ءتارتىپ ۇستەمدىگىن ورنىقتىرۋعا ەرەكشە ءمان بەرىلدى. الەمدىك تاجىريبەدە بۇرىن-سوڭدى بولماعان جاڭا ەرەجەلەر ەنگىزىلدى»، – دەدى توقايەۆ.
پرەزيدەنت ادىلەتتى، تازا، قۋاتتى ءارى ءقاۋىپسىز قازاقستاندى قۇرۋ جولىندا ءار ازاماتتىڭ اتا زاڭدى قۇرمەتتەۋى جانە ونىڭ تالاپتارىن مۇلتىكسىز ورىنداۋى اسا ماڭىزدى ەكەنىن جەتكىزدى.
– «ەلىمىزدىڭ بارشا ازاماتىنا زور دەنساۋلىق، باق-بەرەكە تىلەيمىن»، – دەپ قۇتتىقتاۋىن قورىتىندىلادى مەملەكەت باسشىسى.
You Might Also Like
-
اتىراۋ تۇرعىنى ۋكرايناداعى سوعىسقا قاتىسقانى ءۇشىن 5 جىلعا سوتتالدى،-دەپ حابارلايدى ينفوحاب.كز.
-
الماتىداعى «دۋمان» شاعىن اۋدانىندا ەر ادام ايەلىن ءولتىرىپ، كەيىن وز-وزىنە قول جۇمسادى، دەپ حابارلايدى Infohub.kz.
