InfoHub Logo

ساباقتىڭ تاقىرىبى: قادىر مىرزا ءالي «انا» ولەڭى.
ساباقتىڭ ماقساتى:
بىلىمدىلىك: قادىر مىرزا ءالي ءومىرى مەن «انا»ولەڭىنىڭ مازمۇنىن وقۋشىلارعا مەڭگەرتۋ.
دامىتۋشىلىق: ءوز بەتىنشە انا ۇعىمى تۋرالى كەڭ اۋقىمدى وي ايتۋىن قالىپتاستىرۋ.
تاربيەلىك: كۇندەلىكتى ومىردە انانىڭ، ايەل ازاماتشالاردىڭ قوعامداعى ءرولىنىڭ ماڭىزدىلىعىن بىلۋگە داعدىلاندىرۋ.
ساباقتىڭ ءتۇرى: جاڭا ءبىلىمدى مەڭگەرتۋ
ساباقتىڭ ءادىسى: توپتاۋ ستراتەگياسى، ولەڭ شىعارۋ.
ساباقتىڭ كورنەكىلىگى: ينتەراكتيۆتى تاقتا، اقىن پورترەتى، ءۇنتاسپا، جىر جيناقتارى.
ءپانارالىق بايلانىس: قازاق ءتىلى، تاريح.

ساباقتىڭ بارىسى:
1. ۇيىمداستىرۋ ءبولىمى. «جىلى سەزىم» (وقۋشىلار شەڭبەر قۇرۋ ارقىلى ءبىرىن - ءبىرى وقىعان شىعارمالارىنداعى جاعىمدى كەيىپكەرلەرگە ۇقساتىپ، اتاپ ايتۋ)
2. ءۇي تاپسىرماسىن سۇراۋ. ساكەن ءجۇنىسوۆ «اقىرعى بايگە» رومانى بويىنشا «بايگە جارىسى» تۋرالى ەسسە جازۋ.
3. وتكەن تاقىرىپتى پىسىقتاۋعا ارنالعان سۇراقتار.
1) كۇرەڭباي سىنشى «مىناۋ ءبىر پىراق ەكەن» دەگەندە، ول قۇلاگەردىڭ قانداي سيپاتتارىنا سۇيەنىپ ايتتى.
2) ات ۇستىندە نەشە ءتۇرلى ونەر كورسەتىپ، سىرناي تارتىپ جۇرگەن بالا كىم؟
3) موڭكەگە اقان نەگە «بايقا بالا قۇلاگەردى تىم قىسپا، شاڭ قاپتىرىپ توپ ورتاسىنا، ىققا تۇسە كورمە، جەل جاعىندا وتىر» دەدى؟
4.«وي شاقىرۋ» (ق. مىرزا ءالىنىڭ «قازاق وسى» ءانى قوسىلىپ تۇرادى. تاقتادان اقىن پورترەتى كورسەتىلەدى.)
- وقۋشىلار، سەندەرگە ءان تانىس پا؟
- بۇل كىمنىڭ ولەڭى؟ اقىن تۋرالى نە بىلەمىز؟
- قانداي ولەڭدەرىن بىلەسىزدەر؟ ويىمىزدى اۋىزشا بىلدىرەمىز.
(بالالاردىڭ جاۋابى تىڭدالادى.)- ەندەشە، بۇگىنگى ساباعىمىزدىڭ تاقىرىبى دا جەرلەس اقىنىمىز، حالىق جازۋشىسى قادىر مىرزا ءالىنىڭ شىعارماشىلىعى مەن ولەڭدەرىنە ارنالماق.

5. جاڭا ءبىلىمدى مەڭگەرتۋ. قادىر مىرزالييەۆ جىمپيتى اۋىلىندا تۋعان. ول اتاقتى قازاق اقىنى، حالىق جازۋشىسى. قاز مۋ - دىڭ فيلولوگيا فاكۋلتەتىن بىتىرگەن. 1958 - 1993 جىلى « بالدىرعان» جۋرنالىندا ادەبي قىزمەتكەر، «جۇلدىز» جۋرنالىندا پوەزيا جانە سىن ءبولىمىنىڭ مەڭگەرۋشىسى، جاۋاپتى حاتشى بولدى. مىرزالييەۆتىڭ العاشقى ولەڭى 1954 «پيونەر» جۋرنالىندا جاريالانعان. ول «اق وتاۋ»، «دومبىرا»، «قورامساڭ» ت. ب. شىعارمالارىن جازدى. ول شەتەل ەلدەرى ءۇشىن ەڭ اتاقتى ادام. ونىڭ ەڭبەكتەرىن شەتەلدىكتەر وتە جوعارى باعالادى.

1. اقىننىڭ «انا» ولەڭىن مانەرلەپ وقىتۋ.
ءبارى دە، انا،
ءبىر وزىڭنەن باستالدى.
سەن دەپ جازدىم العاش ولەڭ
داستاندى.
قۋاندىم با،
ءوزىڭ بار دەپ قۋاندىم.
جىلادىم با،
ءوزىڭ جوق دەپ جاس تامدى.

ءبارى دە، انا،
ءبىر وزىڭنەن باستالدى.
جانارىڭنان كوردىم العاش اسپاندى.
ەركەلەسەم، ءبىر وزىڭە ەركەلەپ،
جاسقاندىم با،
تەك وزىڭنەن جاسقاندىم.

العاشقى ءدام، ول دا سەندىك ءسۇت ەدى،
اق ءسۇت بەرگەن قاشاندا ءۇمىت كۇتەدى،
وتانىمنىڭ ءوزى سەنەن باستالىپ.
جاۋلارىما جەتكەن جەردەن بىتەدى.
2. ولەڭ مازمۇنىن ءتۇسىندىرۋ.
3. ادەبيەت تەورياسىنان ءبىلىم بەرۋ.
جانارىڭنان كوردىم العاش اسپاندى - مەتافورا
اق ءسۇت - ەپيتەت
4. ولەڭ قۇرىلىسىنا قاراي تالداۋ.
العاشقى ءدام، /ول دا سەندىك /ءسۇت ەدى،/- ا، 3بۋناق، 11 بۋىن.
اق ءسۇت بەرگەن/ قاشاندا ءۇمىت /كۇتەدى،/- ا، 3 بۋناق، 12 بۋىن.
وتانىمنىڭ/ ءوزى سەنەن /باستالىپ./- ب، 3 بۋناق، 11 بۋىن.
جاۋلارىما /جەتكەن جەردەن /بىتەدى./- ا، 3 بۋناق، 11 بۋىن.
بۇل ولەڭ 3 شۋماقتى، شۋماق ءتورت تارماقتان، ءار تارماق ءۇش بۋناقتان، ون ءبىر - ون ەكى بۋىننان تۇرادى. قارا ولەڭ ۇيقاسىمەن قۇرىلعان(ا، ا، ب، ا).
5. توپتىق جۇمىس. (وقۋشىلاردى ەكى توپقا ءبولۋ)
1 - توپ. انا تاقىرىبىندا ماقال - ماتەل جازۋ.
2 - توپ. انا تاقىرىبىندا ناقىل، قاناتتى سوزدەر جازۋ.
6. شىعارماشىلىقپەن جۇمىس. (وقۋشىلار «انا»تاقىرىبىندا ولەڭ شىعارادى )
وقۋشى:
انا دەگەن ءومىردىڭ ءمانى عوي،
باعا جەتپەس قۇندىلىعى، ءسانى عوي.
قادىرلەڭدەر، باعالاڭدار انانى،
مەيىرىمگە بولەگەن ول بارشانى.
وقۋشى:
انا دەگەن ءومىرىمنىڭ تىرەگى،
تەك «بالا» دەپ سوعىپ تۇرار جۇرەگى.
انا ءسۇتىن ءبارىڭ تاتىپ كوردىڭدەر،
بالاسىنىڭ قامىن ويلاپ جۇرەدى.

6. جاڭا ءبىلىمدى بەكىتۋ.“رافت” ءادىسى. (وتىلگەن تاقىرىپ بويىنشا)
بىلەمىن. قادىر مىرزا ءاليدىڭ اقىن ەكەندىگىن.
نەنى ءبىلدىم؟ اقىن ءومىرى مەن «انا»ولەڭىنىڭ مازمۇنىن.
نەنى بىلگىم كەلەدى؟ قادىر مىرزا ءاليدىڭ وتباسى تۋرالى.
7. ۇيگە تاپسىرما بەرۋ. اقىن ءومىرىن وقۋ،«انا» ولەڭىن جاتتاۋ، ەسسە جازۋ.
8. قورىتىندى. باعالاۋ.
قادىر مىرزا ءالي «انا» ولەڭى. جۇكتەۋ