InfoHub Logo

قازاقستاننىڭ تانىمال ءانشىسى قايرات نۇرتاس پەن اكتريسا جۇلدىز ابدىكارىموۆا وتباسىنىڭ قۋانىشتى جاڭالىعىمەن ءبولىستى. جۇلدىز ابدىكارىموۆا بەسىنشى ءسابيىن كۇتىپ جۇرگەنىن مالىمدەدى. بۇل جاڭالىق ءانشىنىڭ جانكۇيەرلەرىن ەرەكشە قۋانتتى.

بۇل تۋرالى Infohub.kz اقپارات اگەنتتىگى حابارلايدى.

وتباسىلىق قۋانىش

اكتريسا جۇلدىز ابدىكارىموۆا ءوزىنىڭ تۋعان كۇنىندە كۇيەۋىنە توسىن سىي جاساپ، بەسىنشى رەت انا اتاناتىنىن ايتقان. بۇل ءسات بەينەلەنگەن ۆيدەودا ءانشىنىڭ ەرەكشە اسەرگە بولەنگەنىن كورۋگە بولادى. ول كىشكەنتاي ءسابيدىڭ كيىمى مەن ۋزي فوتوسىن كورىپ، قاتتى قۋانعان.

ءانشىنىڭ العىسى

«مەن باقىتتىمىن! قۇداي قالاسا ءبىز جەتەۋ بولامىز. مەن ءۇشىن ەڭ ۇلكەن سىيلىق. مەنىڭ قۋانىشىمدا شەك جوق. جۇلدىز، ساعان كوپ راحمەت! اللاعا سانسىز شۇكىر!» - دەپ ءانشى ۆيدەودا ءوز سەزىمىن ءبىلدىردى. بۇل سوزدەر كوپشىلىكتىڭ جۇرەگىن جىلىتتى.

جانكۇيەرلەردىڭ تىلەگى

الەۋمەتتىك جەلى قولدانۋشىلارى قايرات نۇرتاس پەن جۇلدىز ابدىكارىموۆانىڭ وتباسىنا باقىت تىلەپ، جىلى لەبىزدەرىن ءبىلدىردى. «قانداي كەرەمەت كورىنىس»، «بالاشا قۋاندى عوي قايرات. ءبىرىنشى رەت كورۋىم»، «باقىتتى بولىڭىزدار»، «نە دەگەن كۇشتى ەموسيا» دەگەن سياقتى پىكىرلەر كوپتەپ جازىلدى.