Photo: Pixabay (https://www.pexels.com/@pixabay) / Pexels
قايرات نۇرتاستىڭ اكەسى ۇلىنىڭ تۋعان كۇنىمەن قۇتتىقتاپ، ەلگە قۋانىشتى حابار جەتكىزدى
ءانشى قايرات نۇرتاستىڭ اكەسى نۇرتاس ايداربەكوۆ ۇلىنىڭ تۋعان كۇنىنە وراي الەۋمەتتىك جەلىدە جۇرەكجاردى جازبا جاريالادى. ول ۇلىنا اق تىلەگىن ارناپ، كوپشىلىككە دە ىزگى نيەتىن ءبىلدىردى.
"ال اعايىن، بالام دەپ ايتۋعا اللادان قورقامىن. بۇگىن وزدەرىڭىزدىڭ ەركە ۇلدارىڭىز قايراتجاننىڭ دۇنيە ەسىگىن اشقان كۇنى. اللا عۇمىر بەرسىن! سىزدەردىڭ الدارىڭىزدا اللا تارتۋ ەتكەن قىزمەتىن جاساپ، جارقىراپ جۇرە بەرسىن!" – دەپ جازدى نۇرتاس ايداربەكوۆ.
قايرات نۇرتاس 1989 جىلى 25 اقپاندا تۇركىستان قالاسىندا دۇنيەگە كەلگەن. ول قازاق ەستراداسىنداعى ەڭ تانىمال ءارى تابىستى انشىلەردىڭ ءبىرى سانالادى. "قايروش"، "لەگەندا" لاقاپ اتتارىمەن تانىمال ونەر يەسى پوپ جانرىندا ءان ايتىپ، كوپشىلىكتىڭ سۇيىسپەنشىلىگىنە بولەنگەن.
ءانشى ونەر جولىن ەرتە باستاپ، 8 جاسىندا ەكرانعا شىققان. كەيىن ەسترادا-سيرك كوللەدجىندە ءبىلىم الدى. 2007 جىلدان باستاپ "ءتاتتى سەزىم"، "جارالدىڭ كىم ءۇشىن"، "اللاعا شۇكىر"، "كوز جاسىڭ كومەكتەسپەيدى" سىندى حيت اندەرىمەن ەلگە تانىلدى. 2008 جىلى الماتىداعى رەسپۋبليكا سارايىندا العاشقى جەكە كونسەرتىن بەردى.
قايرات نۇرتاس تەك قازاقستاندا عانا ەمەس، جۇڭگو، قىرعىزستان، وزبەكستان سەكىلدى ەلدەردە دە كونسەرت قويىپ، ۇلكەن اۋديتوريا جينادى. 2014 جىلى "جىلدىڭ ۇزدىك ءانشىسى" اتانسا، 2016 جىلى "قۇرمەت" وردەنىمەن ماراپاتتالدى. سونداي-اق، ول "وكىنىش"، "ادەل"، "ارمان. كوگدا انگەلى سپيات" سەكىلدى فيلمدەرگە دە تۇسكەن.
ءانشى 2008 جىلدان بەرى جۇلدىز ابدىكارىموۆامەن نەكەدە. ەرلى-زايىپتىلاردىڭ بەس بالاسى بار.
-
ۆوەننىي سامولەت سۋ-30سم رازبيلسيا ۆو ۆرەميا پلانوۆىح ۋچەنيي ۆ كاراگاندينسكوي وبلاستي. ەكيپاج ۋسپەشنو ەۆاكۋيروۆان.
-
Nurtas Aidarbekov celebrated his son Kairat Nurtas' birthday with a heartfelt social media post، sharing a significant announcement with fans.
