InfoHub Logo

مەكتەپ باعدارلاماسىنا ديكتانت، مازمۇنداما جانە شىعارما سياقتى ءداستۇرلى جازبا جۇمىستارى قايتا ورالادى. بۇل تۋرالى وقۋ-اعارتۋ ءمينيسترى جۇلدىز سۇلەيمەنوۆا مالىمدەدى. ءمينيستردىڭ ايتۋىنشا، بۇل شارالار وقۋشىلاردىڭ تىلدىك داعدىلارىن جەتىلدىرىپ، لوگيكالىق ويلاۋىن دامىتۋعا سەپتىگىن تيگىزەدى.

بۇل تۋرالى Infohub.kz اقپارات اگەنتتىگى حابارلايدى.

جاڭا وقۋ جىلىنان باستاپ

جاڭا وقۋ جىلىنان باستاپ مەكتەپتەردە قۇقىقتىق ءبىلىم بەرۋگە ەرەكشە كوڭىل بولىنەدى. «ادال ازامات» تۇجىرىمداماسى اياسىندا وقۋشىلاردىڭ زاڭ الدىنداعى جاۋاپكەرشىلىگىن ارتتىرۋ كوزدەلگەن.

جاڭارتىلعان جوسپار بويىنشا، 5-7 سىنىپتاردا «كونستيتۋسيا نەگىزدەرى»، 8-9 سىنىپتاردا «زاڭ جانە ءتارتىپ» پاندەرى وقىتىلادى. ال جوعارى سىنىپتاردا «قۇقىق نەگىزدەرى» ءپانى تەرەڭدەتىلىپ، زاڭنامالاردى تالداۋعا باسا نازار اۋدارىلادى.

ءبىلىم ساپاسى مەن تاربيە

مينيستر «كەلەشەك مەكتەبى» جوباسىنىڭ ماڭىزدىلىعىن اتاپ ءوتىپ، ءبىلىم بەرۋ ۇيىمدارىندا ءتارتىپ پەن تازالىقتى ساقتاۋدىڭ، مۇعالىمدەردىڭ جۇمىسىن جاڭعىرتۋدىڭ قاجەتتىگىن ايتتى. مەكتەپتىڭ تەك ءبىلىم بەرەتىن ورىن عانا ەمەس، ۇلت بولاشاعىن قالىپتاستىراتىن تاربيە ورتاسى ەكەنىنە توقتالدى.

سوڭعى ءتورت جىلدا ءبىلىم ساپاسى 55،5 پايىزعا وسكەن. 2025-2026 وقۋ جىلىندا 300-دەن استام وقۋشى رەسپۋبليكالىق بايقاۋلاردا، 27 وقۋشى حالىقارالىق وليمپيادالاردا جەڭىمپاز اتاندى.