tengrinews.kz
قامشىبەك تاشييەۆ قىرعىزستانعا ورالدى
قىرعىزستاننىڭ ۇلتتىق قاۋىپسىزدىك كوميتەتىنىڭ بۇرىنعى باسشىسى كامشىبەك تاشييەۆ ەلگە ورالدى. ول 13 اقپانعا قاراعان تۇندە «ماناس» حالىقارالىق اۋەجايىنا كەلگەنى حابارلاندى. جۋرناليستەر ودان سۇراق قويۋعا ۇلگەرمەگەن.
بۇعان دەيىن تاشييەۆتىڭ جاقتاستارى ساياساتكەردىڭ ەمدەۋ كۋرسى اياقتالماعانىنا قاراماستان، قىرعىزستانعا ورالۋ تۋرالى شەشىم قابىلداعانىن حابارلاعان.
ەسكە سالا كەتەيىك، 10 اقپاندا قىرعىزستان پرەزيدەنتى سادىر جاپاروۆتىڭ جارلىعىمەن كامشىبەك تاشييەۆ قىرعىزستان مينيسترلەر كابينەتى ءتوراعاسىنىڭ ورىنباسارى – ۇلتتىق قاۋىپسىزدىك كوميتەتىنىڭ ءتوراعاسى قىزمەتىنەن بوساتىلعان بولاتىن.
پرەزيدەنتتىڭ باسپا ءسوز قىزمەتىنىڭ حابارلاۋىنشا، سادىر جاپاروۆ بۇل قادامنىڭ باستى ماقساتى – مەملەكەتتىڭ بىرلىگىن نىعايتۋ جانە قوعامدا، سونىڭ ىشىندە مەملەكەتتىك قۇرىلىمدار اراسىندا ىرىتكىنىڭ الدىن الۋ ەكەنىن اتاپ وتكەن.
كەيىنىرەك پرەزيدەنتتىڭ باسپا ءسوز حاتشىسى تاشييەۆتىڭ ءوزى ەمەس، ونىڭ جاقىن اينالاسىنداعى ادامداردىڭ ارەكەتتەرى شيەلەنىس تۋدىرعانىن ناقتىلادى. ولار دەپۋتاتتارعا حابارلاسىپ، «گەنەرالدىڭ جاعىنا شىعۋعا» جانە «پرەزيدەنت سايلاۋىن قايتا باستاۋعا» شاقىرعان.
تاشييەۆتىڭ ءوزى پرەزيدەنتتىڭ رۇقساتىمەن بۇرىنعى وتاۋدان كەيىنگى تەكسەرۋ ءۇشىن شەتەلگە شىققانىن ايتتى. قىزمەتىنەن بوساتىلۋ تۋرالى شەشىم ءوزى ءۇشىن كۇتپەگەن جاعداي بولعانىن اتاپ ءوتتى. دەگەنمەن، مەملەكەت باسشىسىنىڭ شەشىمىن ورىنداۋ كەرەكتىگىن باسا ايتتى.
-
قازگيدرومەتتىڭ بولجامى بويىنشا، ەلدىڭ كوپ بولىگىندە جاۋىن-شاشىنسىز اۋا رايى ساقتالادى، ءبىراق وڭتۇستىك پەن وڭتۇستىك-شىعىستا جاڭبىر مەن قار جاۋادى.
-
Former National Security Committee head Kamchybek Tashiev has returned to Kyrgyzstan following his dismissal from a key government post.
