InfoHub Logo

بەلگىلى ءانشى، قازاقستاننىڭ حالىق ءارتىسى ماقپال ءجۇنىسوۆاعا الماتى جانە جامبىل وبلىستارىن باسقارعان ەكس-اكىم سەرىك ۇمبەتوۆ سوعىم سىيلادى. بۇل تۋرالى ءانشى ءوزىنىڭ الەۋمەتتىك جەلىسىندە ءبولىسىپ، ريزاشىلىعىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

ەرەكشە سىيلىق

ماقپال ءجۇنىسوۆا سەرىك ۇمبەتوۆتى ءوزىنىڭ ەرەكشە قۇرمەتتەيتىن «اعاسى» دەپ اتاپ، ونىڭ ۇنەمى قامقورلىق تانىتىپ، قولداۋ كورسەتىپ وتىراتىنىن ايتتى. ءانشىنىڭ ايتۋىنشا، ەكس-اكىم ونى «قانشا جىل وتسە دە ۇمىتپايدى».

«مىنە، سەرىك اعامىز جىبەرگەن سوعىم. قازىسىن كورىڭىزدەر! سەرىك ۇمبەتوۆ – مەن ەرەكشە قۇرمەتتەيتىن، سىيلايتىن اعام. زاكەڭ دە ونى قاتتى سىيلايتىن. قانشا جىل وتسە دە مەنى ۇمىتپايدى. جەڭگەمىز ەكەۋى ۇنەمى كومەكتەسىپ تۇرادى. اللا رازى بولسىن. ماكە، اس بولسىن! كونسەرت الدىندا ءبىر قازى جەپ الايىن دەپ وتىرمىن»، – دەپ ازىلدەدى ءانشى.

ماقپال ءجۇنىسوۆا تۋرالى

ماقپال مۇحامەديار قىزى ءجۇنىسوۆا – قازاق ەستراداسىنىڭ تانىمال تۇلعاسى. ول 1963 جىلى قاراعاندى وبلىسى، قارقارالى اۋدانىنداعى تەرەكتى اۋىلىندا دۇنيەگە كەلگەن. 1981 جىلدان بەرى «قازاقكونسەرت» بىرلەستىگىنىڭ ءسوليسى رەتىندە ساحنادا.

ءانشى 22 جاسىندا قازاقستاننىڭ ەڭبەك سىڭىرگەن ءارتىسى، 31 جاسىندا قازاقستاننىڭ حالىق ءارتىسى اتاعىن العان. ول ليريكالىق سوپرانو داۋىسىمەن تانىلىپ، حالىق اندەرىن، رومانستار مەن دجاز شىعارمالارىن ورىنداپ كەلەدى. قازىرگى تاڭدا «قازاق ەستراداسىنىڭ پريمادونناسى»، «ورتا ازيا بۇلب ۇلى» اتانىپ ءجۇر.