قار ۇشقىندارىنىڭ ماكروسۋرەتتەرى
سيپاتىن كور، توسىپ ال دا،
جاپالاقتاپ جاۋسا قار.
تازا تەكسەر، كوزءدى سال دا،
قانداي ونىڭ ءتۇءرى بار؟
شاكارىم
«قازاق ءتىلىنىڭ تۇسىندىرمە سوزدىگىندە» قار تۋرالى قىسقا عانا تۇسىنىك بەرىلەدى:
«قار — قىستا جاۋاتىن، اق ءتۇستى كريستالداردان تۇراتىن اتموسفەرالىق جاۋىن-شاشىن».
ال اۋەلدەن جازدا جايلاۋى قۇلپىرعان، قىستا قالىڭ قار باسقان دالامەن ەتەنە وسكەن قازاق بۇل اتاۋعا تالاي قوسىمشالار تىركەگەن. سولاردىڭ ءبىرقاتارىنا نازار اۋدارايىق.
اقشا قار — جاڭا جاۋعان تازا قار.
الاقانات قار — ءبىر اۋماققا جاۋىپ، ءبىر اۋماققا جاۋماي، جەرگە الا تۇسكەن قار.
انجىر — قاردىڭ ەرىپ قاتۋى. قارعىنعا ارالاس قاتقان قارلى مۇز.
بوز قىراۋ — كۇزگى كۇنى توڭازۋدان بولاتىن ششىق.
جاپالاق قار — ءىرى تۇيىرشىكتى جاپىراقتاپ جاۋعان قار.
جىلبىسقى قار — ەري جاۋعان قار.
كوبىك قار — جەرگە تۇسكەندە استىڭعى قاباتى ەري بەرىپ، بەتى كوپىرشىگەن جۇمساق قار.
كۇپسەك قار — قالىڭ جاۋعان ۇلپا قار.
كۇرتىك قار — بەتى قاتقان، جاياۋ جۇرگەندە اقساق ويىلاتىن قالىڭ قار.
قاسات قار — ۇزاق جاتقان قالىڭ قار.
قيىرشىق قار — جەنتەكتەلگەن تۇيىرشىك قار.
قىلاۋ — اۋاداعى سۋ بۋىنان نەمەسە سالقىن تۇمان تامشىلارىنان ءتۇرلى زات بەتىنە، اعاش بۇتاقتارىنا قوناتىن مۇز قاباتى.
قىراۋ — سۋىق كۇزدە توڭازىعان دىمقىل اۋانىڭ ءبىر نارسەگە قار ءتارىزدى اعارىپ قونعان ءتۇرى.
قىربىق قار — جۇقا جاۋعان قار.
مۇزداق قار — ءۇستىن مۇز تورلاعان، كوكشىل ءتۇستى، بەتى جىلتىر سىرعاناق قار.
ومبى قار — ات باۋىرلايتىن قالىڭ قار.
سونار قار — العاش جاۋعان قالىڭ قار.
ءسۇرى قار — ەرتە ءتۇسىپ، ەرىمەي، قىس بويى قالىڭداعان، توزاڭ توپىراق ءسىڭىپ، بەتى كۇلگىن تارتقان نىعىز قار.
سىرەۋ قار — ۇزاق مەزگىل مىزعىماي جاتقان اياق باستىرماس، كولىك جۇرىسىنە بوگەۋ قاتتى قالىڭ قار.
ۇلپا قار — تۇيىرشىكتەرى ۇلبىرەگەن جەڭىل ۇلپەك قار.
ۇيمە قار — بوراندى جەل سىرعىتىپ، ءبىر جەرگە تاۋ-توبە بولىپ ۇيىلگەن قار.
ۇرمە قار — جەل ۇرلەپ، جيىنتىقتانعان تىعىز قار.
ال ەندى بىزگە اق مامىق بوپ كورىنەتىن قار ۇشقىندارىننىڭ قايتالانباس پىشىندەرىنە جاقىننان نازار اۋدارىپ كورەيىك.
© الەكسەي كلياتوۆ
© الەكسەي كلياتوۆ
© الەكسەي كلياتوۆ
© اندرەي وسوكين
© الەكسەي كلياتوۆ
© الەكسەي كلياتوۆ
© اندرەي وسوكين
© الەكسەي كلياتوۆ
© اندرەي وسوكين
© الەكسەي كلياتوۆ
© اندرەي وسوكين
© الەكسەي كلياتوۆ
© الەكسەي كلياتوۆ
© اندرەي وسوكين
© الەكسەي كلياتوۆ
You Might Also Like
-
اينالامدا ۇشىپ ءجۇر، اق مامىق قار سەبەلەپ. قالت-قۇلت ەتكەن بەينە ءبىر، اق قاناتتى كوبەلەك.
-
ەرتەدە جالعىز باستى ءبىر باي ءومىر ءسۇردى. ونىڭ تۋىسقانى دا، بالاسى دا جيناعان مال مۇلكى مەن اقشاسى ەدى. سولاردى بالاداي ماپەلەپ كۇتەتىن. ءبىر كۇنى ول جالشىسىنىڭ كوڭىلدى كۇلكىسىن ەستىپ ونىڭ ءۇيىن اينالش...
