tengrinews.kz
قاراعاندى وبلىسىندا جول بويىنداعى جانجالدان كەيىن 20 جاستاعى جىگىت جوعالدى
قاراعاندى وبلىسىندا 20 جاستاعى تەمىرتاۋ تۇرعىنى ىزدەستىرىلىپ جاتىر. جاس جىگىت اۆتوبۋس جۇرگىزۋشىسىمەن جانجالداسىپ، قاراعاندىعا بارا جاتقان جولدا جوعالىپ كەتكەن.
بۇل تۋرالى Infohub.kz اقپارات اگەنتتىگى حابارلايدى.
جولاۋشى مەن اۆتوبۋس جۇرگىزۋشىسى اراسىنداعى جانجال ۆيدەوعا ءتۇسىپ، الەۋمەتتىك جەلىدە تارادى. ۆيدەودا جولاۋشى جۇرگىزۋشىدەن جول اقىسىن تولەۋگە مۇمكىندىك بەرۋىن ءوتىنىپ، «اكە، وتىنەمىن» دەپ ايقايلاپ تۇر. ال جۇرگىزۋشى مۇنى بىردەن جاساۋ كەرەكتىگىن ايتادى.
ەرىكتىلەردىڭ حابارلاۋىنشا، بۇل ۆيدەو – جوعالعان جىگىتتىڭ سوڭعى كورىنگەن ءساتى. وسىدان كەيىن ول حابارسىز كەتكەن. پوليسيا ونى ىزدەۋگە كىرىستى.
ىزدەۋ جۇمىستارى باستالدى
وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، جوعالعاندىعى تۋرالى ارىز 8 ساۋىردە كەلىپ تۇسكەن. ارىزدانۋشىلاردىڭ ايتۋىنشا، جاس جىگىت 7 ساۋىردە شامامەن ساعات 17:00-دە ۇيىنەن شىققان. ول باعدارلى اۆتوبۋسپەن قاراعاندىعا بارا جاتقان، ءبىراق مەجەلى جەرگە جەتپەي، بايلانىسقا شىعۋىن توقتاتقان.
«الدىن الا مالىمەت بويىنشا، جاس جىگىتتى اۆتوبۋس جۇرگىزۋشىسى جول بويىندا ءتۇسىرىپ جىبەرگەن. وقيعانىڭ ءمان-جايى انىقتالۋدا. جولاۋشىنى ءتۇسىرىپ جىبەرگەن اۆتوبۋس جۇرگىزۋشىسىنىڭ ارەكەتى زاڭناماعا سايكەس قۇقىقتىق باعالانادى. قازىرگى ۋاقىتتا ىزدەۋ جۇمىستارى جالعاسۋدا»، - دەپ حابارلادى ۆەدومستۆودان.
ەرەكشەلىكتەرى بار
حابارلانعانداي، جوعالعان ادامنىڭ دەنساۋلىق جاعدايىنا بايلانىستى ەرەكشەلىكتەرى بار، سوندىقتان وعان كومەك قاجەت بولۋى مۇمكىن. بۇل ونىڭ العاش رەت جوعالۋى ەمەس: بۇعان دەيىن دە جىگىت بەلگىسىز باعىتتا كەتىپ قالعان. پوليسيا بولىمشەلەرىنە باعىتتالعان نۇسقاۋلار تاراتىلىپ، ەرىكتىلەر اراسىندا اقپارات جاريالاندى.
-
نالوگوۆىە ورگانى كازاحستانا ناچنۋت راسسىلات ۋۆەدوملەنيا و موبيلنىح پەريەۆوداح. ۋزنايتە، كوگو كوسنۋتسيا يزمەنەنيا ي كاك رەاگيروۆات نا سووبششەنيا.
-
اتىراۋ وبلىسىندا جول ەرەجەسىن بۇزعان جانە ايىپپۇل تولەمەگەن جۇرگىزۋشىلەرگە قاتىستى اۋقىمدى شارالار قولعا الىندى. پوليسيا زاماناۋي تەحنولوگيالاردى پايدالانىپ، بورىشكەرلەردى انىقتاۋدا.
