istock
قاراعاندىدا 19 جاستاعى قىزدى بۇرىنعى كۇيەۋى تەمىرمەن ۇرىپ، قايناعان سۋ قۇيعان
قاراعاندىدا 19 جاستاعى ريزا ەسىمدى قىز بۇرىنعى كۇيەۋىنىڭ اۋىر سوققىسىنان كوكباۋىرىنان ايىرىلدى. دارىگەرلەر ونىڭ ءومىرىن ساقتاپ قالۋ ءۇشىن شۇعىل وتا جاساپ، كوكباۋىردى الىپ تاستاۋعا ءماجبۇر بولدى.
بۇل تۋرالى Infohub.kz اقپارات اگەنتتىگى حابارلايدى.
باستاپقىدا ءجاسوسپىرىم كەزىندە زورلىق كورگەن
باسىلىمنىڭ مالىمەتىنشە، قىز بەن ونىڭ بۇرىنعى كۇيەۋى سپورت زالىندا تانىسقان. سول كەزدە قىز 16 جاستا، ال ەر ادام 32 جاستا بولعان. قىزدىڭ ايتۋىنشا، العاشقى جىنىستىق قاتىناس ءوز ەركىنەن تىس بولىپ، 17 جاسىندا جۇكتى بولىپ، تۇرمىسقا شىعۋعا ءماجبۇر بولعان. بۇل جاعدايدان اتا-اناسى حابارسىز قالعان.
تۇرمىستاعى زورلىق-زومبىلىق
تۇرمىس قۇرعاننان كەيىن جانجالدار جيىلەپ، زورلىق-زومبىلىق تۇراقتى سيپات العان. قىزدىڭ سوزىنشە، كۇيەۋى ونى ۇرىپ-سوعىپ قانا قويماي، كۇيدىرىپ، قورقىتىپ، ءتۇرلى ۆيدەولارعا تۇسىرۋگە ماجبۇرلەگەن.
«ءار جانجالدان كەيىن ءتۇرلى جولمەن جازالايتىن. بىردە ونى دالاعا اپارىپ، تەمىر قۇبىرمەن ۇرىپ، ۇستىنە قايناعان سۋ قۇيعان»، – دەلىنگەن اقپاراتتا.
اۋىر جاراقات جانە وتا
كەيىن ەر ادام اجىراسۋعا ءوتىنىش بىلدىرگەنىمەن، قىز بالاسىنىڭ بولاشاعى ءۇشىن ونىمەن بىرگە تۇرۋىن جالعاستىرعان. الايدا ءساۋىر ايىندا بولعان كەزەكتى جانجال اۋىر زارداپقا اكەلىپ، ول اۋىر جاراقات العان. ناتيجەسىندە دارىگەرلەر شۇعىل وپەراسيا جاساپ، كوكباۋىرىن الىپ تاستاعان.
پوليسيا قانداي شارا قولداندى؟
قاراعاندى وبلىستىق پوليسيا دەپارتامەنتى بۇل فاكتىنى راستادى. 11 ءساۋىر كۇنى جاراقات العان 19 جاستاعى قالا تۇرعىنى مەديسينالىق مەكەمەگە جۇگىنگەن. اتالعان دەرەك بويىنشا قىلمىستىق ءىس قوزعالىپ، كۇدىكتى ۇستالىپ، ۋاقىتشا ۇستاۋ يزولياتورىنا قامالعان.
قازىرگى ۋاقىتتا جابىرلەنۋشى داعدارىس ورتالىعىنا ورنالاستىرىلدى.
-
قازاقستان قور بيرجاسىنداعى ساۋدا سەسسياسىنىڭ قورىتىندىسى بويىنشا ۇلتتىق ۆاليۋتا نەگىزگى الەمدىك ۆاليۋتالارعا قاتىستى قۇنىنىڭ ءوسۋىن كورسەتتى.
-
A 19-year-old woman in Karaganda suffered critical injuries، including the removal of her spleen، after an attack by her ex-husband.
