قاراحان كەسەنەسى
ساۋلەت ونەرىنىڭ تاماشا تۋىندىلارىنىڭ ءبىرى — قاراحان كەسەنەسى. ول تاراز قالاسىنداعى «ەجەلگى تاراز ەسكەرتكىشتەرى» قورىق-مۇراجايىندا ورنالاسقان. كەسەنە قاراحان اۋلەتىنەن شىققان حان شا-ماحمۇد بۇعرا قاراحان ءقابىرىنىڭ باسىنا ورناتىلعان.
اڭىز بويىنشا، قاراحان ايشا دەگەن قىزعا عاشىق بولىپتى. ءبىراق جاۋگەرشىلىك زامان ەكەۋىنىڭ قوسىلۋىنا كەدەرگى بولعان كورىنەدى. اقىرى، ەكەۋى قوسىلۋعا سەرتتەسىپ، قىز قاراحاننىڭ اۋىلىنا قاراي جول تارتادى. جولدا ايشا ءبيبى سۋعا شومىلىپ شىعىپ، كيىمىن كيىپ جاتقاندا ساۋكەلە ىشىنە كىرىپ كەتكەن جىلان قىزدى شاعادى. قاراحان ەسىنەن تانىپ، السىرەي باستاعان ايشانى مولداعا اپارىپ، نەكەسىن قيدىرادى. ايشا ءبيبى وسى جەردە باتىردىڭ قولىندا كوز جۇمادى. ءسويتىپ، ايشا ءبيبىنىڭ قايتىس بولعان جەرىنە مازار تۇرعىزادى. قاسىنان قاراحان وزىنە دە مازار سالعىزادى.
قاراحان ەسىمى ەل اراسىندا بەدەلدى، اۋليە كىسى رەتىندە تانىلعان. سودان ونىڭ مازارى ەل ىشىندە «اۋليە اتا كۇمبەزى» اتالعان جانە شامامەن XIX عاسىردىڭ ورتاسىنان XX عاسىردىڭ باسىنا دەيىن قازىرگى تاراز قالاسى اۋليەاتا اتانعان.
XI عاسىردا سالىنعان «اۋليە اتا كۇمبەزى» XX عاسىردىڭ باسىنا دەيىن ساقتالعان. 1906 جىلى كونە كۇمبەزدىڭ ورنىنا جاڭا كەسەنە تۇرعىزىلدى. كۇمبەزدىڭ ۇشار باسىنا ويۋلى اعاش دىڭگەك قويىلىپ، بولمەنىڭ ىشىنە بەسىك ءتارىزدى ساعانا ورناتىلعان. عيماراتتىڭ سولتۇستىك-شىعىس بۇرىشىنان توبەسىنە شىعاتىن باسپالداعى بار. كىرەبەرىس تەپكىشەكتىڭ ۇستىندە ءتورت الاسا شىراقاستى باعاندارى بولعان. 1979 جىلى قاراحان كەسەنەسىنە جوندەۋ جۇمىستارى جۇرگىزىلدى.
وقۋعا كەڭەس بەرەمىز:
You Might Also Like
-
قامار قاسىموۆ (1893-1966) — قازاق اراسىنان شىققان كاسىبي شەبەر، قازاقستاننىڭ ەڭبەك سىڭىرگەن ونەر قايراتكەرى. ول پاۆلودار وبلىسى باياناۋىل اۋدانىندا دۇنيەگە كەلگەن. قامار قاسىموۆ جاسىنان قولونە...
-
«ەرلىگى ءۇشىن» مەدالىمەن قيىن-قىستاۋ كەزدە ادام ءومىرىن ساقتاپ قالعان ازاماتتار ماراپاتتالادى. سۋعا كەتكەندەردى قۇتقارعان، ادامداردى ورتتەن امان الىپ قالعان، دۇلەي اپاتتار كەزىندە ادامدار...
