InfoHub Logo

قازاقستان رەسپۋبليكاسى قارجى مينيسترلىگىنىڭ ۆيسە-مينيسترى ەرجان بيرجانوۆ قاراپايىم ازاماتتار اراسىنداعى اقشا اۋدارىمدارىنا قاتىستى جاڭا ەرەجەلەر تۋرالى قايتا حابارلادى. ونىڭ ايتۋىنشا، دوستار مەن تۋىستار اراسىنداعى، ءتىپتى كوفە نەمەسە تۇسكى اس ءۇشىن جاسالعان شاعىن تولەمدەر كاسىپكەرلىك قىزمەت رەتىندە قاراستىرىلمايدى جانە سالىق باقىلاۋىنا الىنبايدى.

بۇل تۋرالى Infohub.kz اقپارات اگەنتتىگى حابارلايدى.

«ءبىز بانكتەردەن ءبىرىنشى توقساننىڭ دەرەكتەرىن بەلگىلەنگەن تاۋەكەل كريتەرييلەرىنە سايكەس الامىز. ياعني، بانكتەر «قىزىل بەلگى» قويىلعان وپەراسيالار بويىنشا مالىمەتتەردى بىزگە ۇسىنادى»، - دەدى ۆيسە-مينيستر ۇكىمەتتە وتكەن بريفينگتە.

ول سونداي-اق، بۇل دەرەكتەر كامەرالدىق باقىلاۋ اياسىندا قولدانىلاتىنىن جانە قاجەت بولعان جاعدايدا ازاماتتارعا حابارلاما جىبەرىلەتىنىن ءتۇسىندىردى. حابارلامانى ورىنداۋ ءۇشىن سالىق ەسەپتىلىگىن ۇسىنۋ نەمەسە تۇسىنىكتەمە بەرۋ قاجەت بولادى.

الايدا، بيرجانوۆ بىتىراڭقى، كۇندەلىكتى اۋدارىمداردىڭ بۇل ساناتقا ىلىنبەيتىنىن اتاپ ءوتتى. ونىڭ سوزىنشە، كاسىپكەرلىك قىزمەتتى انىقتايتىن كريتەرييلەر وتە كوپ جانە ولاردىڭ بارلىعى ءبىر مەزگىلدە ورىندالۋى ءتيىس.

اۋىلداعى تويعا نەمەسە تۋىسقا بەرىلگەن اقشا دا تەكسەرىلمەيدى

ۆيسە-مينيستر تۋعان كۇنگە، وتباسىلىق مەرەكەلەرگە نەمەسە ۇيىم ىشىندەگى ۇجىمدىق جيىندارعا قاتىستى اقشالاي اۋدارىمدار دا كاسىپكەرلىكپەن بايلانىستى بولماسا، ەسەپكە الىنبايتىنىن ناقتىلادى. ءتىپتى، جەكە تۇلعا رەتىندە تىركەلگەن ازاماتتىڭ جەكە كارتاسىنا اقشا تۇسسە دە، بۇل ونىڭ بيزنەس تابىسى رەتىندە قابىلدانبايدى.

«ەگەر ول جەكە تۇلعا رەتىندە كارتا اشسا، ءبىراق جەكە كاسىپكەر بولىپ تابىلاتىن بولسا جانە وعان تۋعان كۇنىنە نەمەسە تويىنا اقشا سىيعا بەرىلسە، ءبىز مۇنى كورەمىز. ءبىراق ونى كاسىپكەرلىك قىزمەت دەپ سانامايمىز»، - دەپ سەندىردى بيرجانوۆ.

ول ەگەر كاسىپكەرلىك بەلگىلەرى بايقالماسا، ەشبىر قازاقستاندىق ازامات جاڭا ەرەجەلەردەن زارداپ شەكپەيتىنىنە كەپىلدىك بەردى.

سالىق ورگاندارى جەكە تۇلعالارعا قاشان قىزىعۋشىلىق تانىتۋى مۇمكىن؟

قارجى مينيسترلىگى 2025 جىلدىڭ 12 قاراشاسىندا ۇيالى اۋدارىمدار بويىنشا جاڭا كريتەرييلەردى ەنگىزگەن بولاتىن. بۇعان دەيىن ءۇش اي ىشىندە 100-دەن استام ءارتۇرلى تۇلعادان اۋدارىم قابىلداۋ كاسىپكەرلىك قىزمەتتىڭ بەلگىسى سانالسا، ەندى 2026 جىلدىڭ 1 قاڭتارىنان باستاپ قوسىمشا شەكتەۋ – 12 ەڭ تومەنگى جالاقى (1 020 000 تەڭگە) ەنگىزىلدى.

بۇل دەگەنىمىز، سالىق ورگاندارى جەكە تۇلعانى كەلەسى ءۇش كريتەريي سايكەس كەلگەن جاعدايدا عانا تەكسەرە الادى:

مىسالى:

ەگەر 2026 جىلدىڭ قاڭتار-ناۋرىز ايلارى ارالىعىندا ءبىر ادام ءوزىنىڭ جەكە كارتاسىنا تاۋارلار مەن قىزمەتتەر ءۇشىن تۇراقتى اقشا قابىلداپ، ءۇش اي ىشىندە:

وندا سالىق ورگاندارى تۇسىنىكتەمە سۇراپ، بۇل قىزمەتتىڭ كاسىپكەرلىك ەكەنىن نەمەسە ەمەستىگىن تەكسەرەتىن بولادى.