InfoHub Logo

قازاق حالقى قاشاندا قارتتارىن قۇرمەتتەپ، ولاردىڭ ومىرلىك تاجىريبەسىنە، اقىلىنا، دانالىعىنا ەرەكشە ءمان بەرگەن. قارتتار – ءبىزدىڭ اسىل قازىنامىز، ولار اتا-بابادان جەتكەن مۇرانى ساقتاپ، ۇرپاقتان-ۇرپاققا جەتكىزىپ كەلە جاتقان التىن كوپىر. قارتتاردىڭ ومىرلىك جولى – جاستار ءۇشىن ۇلگى، ال ولاردىڭ اقىلى – قوعامنىڭ بايلىعى.

1 قازان – قارتتار كۇنى ەلىمىزدە ۇلكەن ماڭىزعا يە. بۇل كۇن قارتتارىمىزعا قۇرمەت كورسەتۋ، ولاردى ارداقتاۋ جانە قامقورلىق تانىتاتىن ەرەكشە مەرەكە. قازاق حالقىنىڭ داستۇرىندە ۇلكەندى سىيلاۋ، ولاردىڭ اق باتاسىن الۋ – قاستەرلى مىندەت. "قارتتارى بار ەل – قازىنالى ەل" دەگەن ۇلاعاتتى ءسوز وسىنداي ۇرپاق تاربيەسىنە نەگىزدەلگەن.

قارتتارىمىزدىڭ تاجىريبەسى مەن دانالىعى ءارقاشان حالىقتىڭ يگىلىگىنە قىزمەت ەتىپ كەلەدى. قارتتار كۇنى – ۇلكەندەرىمىزدى قۇرمەتتەپ، ولاردىڭ ءقادىرىن تۇسىنەتىن كەز. بۇل مەرەكەدە ءبىز قارتتارىمىزدى تەك قۇتتىقتاپ قانا قويماي، ولارعا جان-جاقتى قولداۋ كورسەتىپ، قۋانىش سىيلايمىز.

اسىرەسە، قازىرگى ۋاقىتتا زەينەتكەرلەرگە كومەك كورسەتۋ، ولاردىڭ جاعدايىن جاقسارتۋ – قوعامنىڭ باستى مىندەتتەرىنىڭ ءبىرى. جىل سايىن بۇل كۇنى ەلىمىزدە ءارتۇرلى قايىرىمدىلىق شارالارى وتكىزىلىپ، قارتتارعا سىي-سياپاتتار جاسالادى. مىسالى، نۇر-سۇلتان قالاسى بايقوڭىر اۋداندىق پروباسيا قىزمەتى زەينەت جاسىنداعى ازاماتتارعا قۇرمەت كورسەتىپ، قارتتار كۇنى مەرەكەسىنە وراي ازىق-تۇلىك كومەگىن ۇسىنىپ، ولاردىڭ دەنساۋلىعى مەن ۇزاق عۇمىرىن تىلەپ، كوڭىلدەرىن كوتەردى.

ءبىز ءۇشىن قارتتارىمىزدىڭ اماندىعى مەن باقىتتى ءومىر ءسۇرۋى اسا ماڭىزدى. ءار وتباسى ءوز قارياسىن قادىرلەپ، ولارعا ەرەكشە قامقورلىق كورسەتۋى ءتيىس. ولاردىڭ اق باتاسى مەن دانالىق كەڭەستەرى ءبىزدىڭ بولاشاعىمىزعا باعىت-باعدار بەرەدى. سوندىقتان، قارتتار كۇنى – ءاربىر ازامات ءۇشىن ەرەكشە مەرەكە. قارتتاردى ارداقتاۋ – ءبىزدىڭ ادامگەرشىلىگىمىز بەن ۇرپاق الدىنداعى بورىشىمىز.

قارتتار كۇنى تۋرالى ەسسە، قارتتاردى قۇرمەتتەۋ تۋرالى ماقالا، قارتتار كۇنىنە ارنالعان شىعارما.