قاشىقتان وقىتۋ
ءبىلىمدى بولۋ دەگەن ءسوزدىڭ ماعىناسى – بەلگىسىز نارسەنى اشۋعا قابىلەتتى بولۋ دەگەن ۇعىم.
ءال-فارابي
جەر جاھاندى جايلاعان پاندەميا جاعدايى ءومىردىڭ بارلىق سالالارىن سىناپ قانا قويماي، جاڭا ارناعا بەت بۇرۋعا اكەلگەنى بارشامىزعا ايان. سول سالالاردىڭ قاتارىندا ءبىلىم بەرۋ جۇيەسى ەرەكشە اتالادى. اياقتان شالعان كەدەرگى، ەمى جوق دەرتتىڭ بەلەڭ الۋىنا قاراماستان ءبىلىم بەرۋ، وقىتۋ، تاربيەلەۋ ۇدەرىستەرى ەش تولاستاماۋىن ماقسات ەتكەن ەلىمىزدە 2019-2020 وقۋ جىلىنىڭ IV توقسانى جاڭاشىلدىق پەن وزگەرىستەرگە تولى بولعانى بەلگىلى. بۇل «اتا-انا-مەكتەپ-مۇعالىم» ۇشتىگىنىڭ بەرىك قالىپتاسۋىنا نەگىز بولا وتىرىپ، قاشىقتان وقىتۋ جۇيەسىنە بەتبۇرىس جاساۋدىڭ العاشقى قادامدارى ەدى. سەبەبى، ەلىمىزدىڭ ءبىلىم بەرۋ جۇيەسى تاريحىندا جاپپاي قاشىقتان وقىتۋ باستاماسى جۇزەگە اسىرىلماعاندىعىن ەسكەرسەك، بۇل ارنادا قىزمەت جاساۋ مۇعالىمدەرگە ارتىلعان زور سەنىمنىڭ ايعاعى، دالەلى بولماق.
اقپاراتتىق تەحنولوگيالار مەن تەحنيكانىڭ دامىعان زامانىندا قاشىقتان وقىتۋدىڭ بارلىق مۇمكىندىكتەرىن پايدالانۋ اعىمداعى جىلدىڭ ءبىلىم بەرۋ جۇيەسىندە ەرەكشە ماڭىزعا يە بولدى. وسى ورايدا نەگىزگى ءبىلىم بەرۋ ارنالارىندا ءتۇرلى پلاتفورمالار مەن باعدارلامالاردىڭ اياسى كەڭەيتىلىپ، وقۋشىلاردىڭ جاعدايىن جاساۋعا بارىنشا باعىتتالدى. پاندەرگە دەگەن قىزىعۋشىلىعىن ارتتىرا وتىرىپ، تاقىرىپتى تەرەڭىنەن مەڭگەرتۋ، وقۋ ماقساتتارىنا جەتۋدى قاشىقتان جۇزەگە اسىرۋ، وقۋشى مەن ءمۇعالىم اراسىنداعى كەرى بايلانىس جاساۋدى قولجەتىمدى ەتۋ ماقساتىندا الماتى قالاسى №84 جالپى ءبىلىم بەرەتىن مەكتەپتە وقىتۋدىڭ جاڭا مەجەسى الىندى دەپ تولىعىمەن ايتا الامىن. سەبەبى ناتيجەگە باعىتتالعان ۇدەرىسكە دايارلىق تىڭعىلىقتى جۇزەگە اسىرىلىپ، ءار وقۋشىنىڭ بايلانىس قۇرالدارىمەن قامتاماسىز ەتىلۋى ەسكەرىلدى. قاشىقتان وقىتۋدىڭ ءتيىمدى پلاتفورمالارى رەتىندە Kundelik.kz، WhatsApp، Google classroom، Daryn.online، Bilimland پلاتفورمالارى تاڭدالىپ، وقۋ-تاربيە ۇدەرىسىنە ءتيىمدى رەتىندە تاڭدالدى. تۇركسىب اۋداندىق ءبىلىم ءبولىمىنىڭ باسشىلىعى تاراپىنان دا وقۋ-ادىستەمەلىك كومەك بەرىلىپ، باعىتتاۋ جۇمىستارى جوعارى دەڭگەيدەگى سيپاتىن الدى.
جاس مامان – جاس وسكىن. قالاي باپتالىنسا، سولاي جايقالادى. اقپاراتتىق تەحنولوگيانىڭ بار مۇمكىندىگىن پايدالانىپ، وعان جاڭاشىل لەپ ۇستەپ كەلە جاتقان №84 جالپى ءبىلىم بەرەتىن مەكتەپتىڭ جاس مامانى، قازاق ءتىلى مەن ادەبيەتى ءپانىنىڭ ءمۇعالىمى، وقۋشىلارعا باعىت رەتىندە قاشىقتان وقىتۋدى ارنادان قالىسپاي جۇرگىزىپ كەلە جاتىرمىن. «مۇعالىمدىك ماماندىق – بۇل ادامتانۋ، ادامنىڭ كۇردەلى دە قىزىقتى، شىم-شىتىرىعى مول رۋحاني جان دۇنيەسىنە ۇڭىلە ءبىلۋ. پەداگوگيكالىق شەبەرلىك پەن پەداگوگيكالىق ونەر ول دانالىقتى جۇرەكپەن ۇعا ءبىلۋ بولىپ تابىلادى» - دەپ ۇلى پەداگوگ ۆ.سۋحوملينسكيي ايتپاقشى، ءدال قازىرگى جاعدايدا قاشىقتان ءبىلىم بەرەتىن ءمۇعالىم – ناتيجەگە باعىتتالعان ىس-ارەكەتتەردىڭ ارناسىن جۇرەگىمەن سەزىپ، شىن كوڭىلمەن باعالاي ءبىلۋشى. مىنە، وسى باعىتتى تۋ ەتىپ، 5، 6-سىنىپتارداعى قازاق ءتىلى مەن ادەبيەتى پاندەرىن وقىتۋدا ەكى جاقتى ءتيىمدى بايلانىستى باسشىلىققا الۋدى بەتكە ۇستاپ كەلەمىن. وقۋشىعا تاقىرىپ جونىندە اقپاراتتىڭ قابىلدانۋىن، ونى مەڭگەرۋ جونىندە كەرى بايلانىس جاساۋىن، ءپانارالىق بايلانىستاردى، وقۋ تاپسىرمالارىنىڭ جەڭىل تۇرلەرىن، تەلەارناداعى ۆيدەو-ساباقتارمەن وزەكتەستىرۋ سىندى باعىتتار – قاشىقتان وقىتۋداعى مەنىڭ ۇستانعان پوزيسيام.
تۇيىندەي ايتار بولسام: قاشىقتان وقىتۋ–پەداگوگتىق ىس-ارەكەتتە جاڭاشىلدىققا باستاعان، ايتارلىقتاي ناتيجەلەرگە بەت بۇرعان ءبىلىم بەرۋدىڭ ايرىقشا ءتۇرى. وسىنداي ارنادا ءوز بىلىكتىلىگىمدى شىڭداۋىم مەنىڭ مۇعالىمدىك داعدىم مەن ورەمدى ارتتىرماسا، كەمىتپەسى انىق.
ايگەرىم توقتارجان قىزى
№84 جالپى ءبىلىم بەرەتىن مەكتەپتىڭ
قازاق ءتىلى مەن ادەبيەتى ءپانىنىڭ ءمۇعالىمى
الماتى قالاسى
You Might Also Like
-
ءبىر كۇنى حان جولداستارىمەنەن، جيرەنشە دە بار جولمەنەن كەتىپ باراتسا، كۇن جەل ەكەن دەيدى. جولدىڭ اناداي جەرىنەن جەلمەنەن ءبىر قاڭباق دومالاپ باراتىر ەكەن. سوندا تۇرىپ حان ايتىپتى دەيدى:
-
ديسسەرتاسيانى قورعاۋ كەزىندەگى جاريالانىمدارعا قويىلاتىن تالاپتار قايتا قاراستىرىلدى. بۇل تۋرالى بۇگىن ءوزىنىڭ Facebook پاراقشاسىندا ق ر ءبىلىم جانە عىلىم ءمينيسترى اسحات ايماعامبەتوۆ جازدى.
