قاشىقتان ساباق بەرەتىن مۇعالىمدەر ارنايى كۋرستان وتەدى — مينيستر
سىنىپتا ساباق بەرۋ مەن قاشىقتان ساباق بەرۋدىڭ ايىرماشىلىعى وتە كوپ. بۇل تۋرالى ورتالىق كوممۋنيكاسيالار قىزمەتىندە ونلاين وتكەن بريفينگتە ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«قاشىقتان وقىتۋ فورماتىندا پەداگوگتارعا قويىلاتىن ءبىرقاتار تالاپ بار. بىرىنشىدەن، ءىت تەحنولوگياسى بويىنشا تالاپ. ولار ءىت تەحنولوگياسى، ينتەرنەت پلاتفورماسى، ينتەرنەت جۇيەسىمەن جۇمىس ىستەي ءبىلۋى كەرەك. ءبىز دايىنداعان بىلىكتىلىكتى ارتتىرۋ كۋرستارىندا مۇعالىمدەرگە وسىمەن جۇمىس ىستەۋگە ۇيرەتەمىز»، — دەيدى ءبىلىم جانە عىلىم ءمينيسترى اسحات ايماعامبەتوۆ.
ول ەكىنشى ماسەلە ساباق بەرۋ ادىستەمەسى، كيبەرپەداگوگيكا، بالالاردىڭ وقۋ ۇلگەرىمىن قالاي باعالاۋ كەرەكتىگى جانە ساباقتى قالاي بەرۋ كەرەكتىگى تۋرالى ەكەنىن ايتتى.
«سىنىپتا ساباق بەرۋ مەن قاشىقتان ساباق بەرۋدىڭ ايىرماشىلىعى وتە كوپ. وقۋ ادىستەمەسى تۇرعىسىنان قاراعاندا بۇل وتە ماڭىزدى پروسەسس، سول سەبەپتى الدىمىزدا ارىپتەستەرىمىزدىڭ كاسىبي بىلىكتىلىگىن ارتتىرۋ ماسەلەسى تۇر. 20 شىلدەدەن باستاپ مۇعالىمدەر ەڭبەك دەمالىسىنان جۇمىسقا شىعا باستايدى. سول كەزدە وسى كۋرستاردان وتەدى»، — دەيدى ول.
You Might Also Like
-
قاشىقتان ءبىلىم بەرۋ بويىنشا ۆيدەو-ساباقتاردى ءتۇسىرۋ، سيفرلىق ءبىلىم بەرۋ رەسۋرستارىن دايىنداۋ جۇمىستارى جۇرگىزىلۋدە. بۇل تۋرالى ورتالىق كوممۋنيكاسيالار قىزمەتىندە ونلاين وتكەن بريفينگتە ق ر ءبىلىم ءجان...
-
جاڭا وقۋ جىلىندا ءبىرىنشى توقساننان كەيىن ءداستۇرلى وقۋ رەجيمىنە كوشكەن جاعدايدا مەكتەپتە ەشكىم اتا-انادان بالاسىنا مەكتەپ فورماسىن الۋ تۋرالى تالاپ قويمايدى.
