قاسىم-جومارت كەمەل ۇلى توقايەۆ
قاسىم-جومارت كەمەل ۇلى توقايەۆ (17 مامىر 1953 جىل، الماتى) — قازاقستاننىڭ مەملەكەت جانە قوعام قايراتكەرى، ساياسي عىلىمدار دوكتورى، قازاقستان رەسپۋبليكاسىنىڭ بۇرىنعى پرەمەر-مينيسترى (1999-2002)، قازاقستان رەسپۋبليكاسى پارلامەنتى سەناتىنىڭ ءتوراعاسى (2013-2019). 2019 جىلدىڭ 20-شى ناۋرىزىنان باستاپ قازاقستان رەسپۋبليكاسىنىڭ پرەزيدەنتى.
اكەسى توقايەۆ كەمەل توقاي ۇلى (1923-1986)، ۇلى وتان سوعىسىنىڭ ارداگەرى، بەلگىلى قازاق جازۋشىسى بولعان. اناسى تۇرار شاباربايەۆا (1931-2000)، الماتى شەت تىلدەر پەداگوگيكالىق ينستيتۋتىندا جۇمىس ىستەگەن.
1970 جىلى ق-ج. توقايەۆ كسرو سىرتقى ىستەر مينيسترلىگى ماسكەۋ مەملەكەتتىك حالىقارالىق قاتىناستار ينستيتۋتىنا ءتۇستى. 5-كۋرستا كسرو-نىڭ قحر-داعى ەلشىلىگىنە ديپلوم الدىنداعى جارتىجىلدىق ماشىقتاماعا جىبەرىلدى.
1975 جىلى كسرو سىرتقى ىستەر مينيسترلىگىنە جۇمىسقا كىرىسىپ، سينگاپۋر رەسپۋبليكاسىنداعى كەڭەستىك ەلشىلىككە جولداندى. 1979 جىلى كسرو سىرتقى ىستەر مينيسترلىگىنىڭ اپپاراتىنا قايتا ورالىپ، 1983 جىلى پەكين لينگۆيستيكالىق ينستيتۋتىنداعى 10 ايلىق ءتىل كۋرستارىنا قاتىسۋ ءۇشىن جۇڭگو حالىقتىق رەسپۋبليكاسىنا اتتاندى. ودان بولەك تاۋەلسىزدىككە دەيىن تالاي قىزمەتتەر اتقاردى.
2019 جىلى 19 ناۋرىز كۇنى نازاربايەۆ حالىققا ۇندەۋى ارقىلى ءوزىنىڭ ق ر پرەزيدەنتىنىڭ وكىلەتتىگىن ءوز ەركىمەن توقتاتاتىنىن مالىمدەدى. مۇنداي جاعدايدا ق ر كونستيتۋسياسىنا سايكەس، ق ر پرەزيدەنتى بولىپ سەنات ءتوراعاسى تاعايىندالادى. 20 ناۋرىز كۇنى قاسىم-جومارت توقايەۆ ق ر پرەزيدەنتىنىڭ مىندەتىن اتقارۋشى رەتىندە انت قابىلدادى. انت قابىلداۋ راسىمىندە توقايەۆ ءوزىنىڭ العاشقى جارلىعىمەن ن.نازاربايەۆتى حالىق قاھارمانى مەن ەڭبەك ەرى اتاقتارىمەن ماراپاتتادى. سونىمەن بىرگە، استانا اتاۋىن نۇر-سۇلتانعا اۋىستىرىپ، رەسپۋبليكالىق ماڭىزى بار قالالار مەن وبلىس ورتالىقتارىنىڭ ورتالىق كوشىلەرىن نازاربايەۆتىڭ اتىمەن اتاۋدى ۇسىندى.
2019 جىلعى 12 ماۋسىمداعى انت قابىلداۋ كەزىندە سويلەگەن سوزىندە ۇلتتىق قوعامدىق سەنىم كەڭەسى قۇرىلاتىنى جونىندە مالىمدەدى. بيلىك پەن قوعامنىڭ اراسىنداعى ديالوگقا شاقىردى.
You Might Also Like
-
اۋرۋعا شالدىققان نەمەسە ورازا تۇتقاندا اۋرۋى اسقىناتىن كىسى ورازا تۇتپايدى. تۇتقان بولسا، اشا الادى. اۋرۋعا قارايتىن كىسى دە اۋرۋ ۇكىمىنە جاتادى، ياعني ناۋقاسقا قاراۋدا قينالاتىن بولسا، تۇتپاۋعا بول...
-
بوپەلەردى قاتتى تەربەتۋ ولاردى مۇگەدەك ەتە الۋىمەن قاتار، ءولتىرىپ قويۋى دا ابدەن مۇمكىن. قاتتى تەربەتۋ ارقىلى باسىن انا جاققا ءبىر، مىنا جاققا ءبىر قاتتى شايقاعان كەزدە ميدىڭ جاسۋشالارى جىرتىلۋى مۇمكى...
