InfoHub Logo

مەملەكەت باسشىسى قاسىم-جومارت توقايەۆ بىرىككەن اراب امىرلىكتەرىنىڭ (ءباا) ەلشىسى مۇحاممەد سايد مۇحاممەد ءال-اريقيدى قابىلداپ، تاياۋ شىعىستاعى احۋالعا قاتىستى پىكىرىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

باا-گە جاسالعان شابۋىلدارعا الاڭداۋشىلىق

پرەزيدەنت ءباا اۋماعىنا جاسالىپ جاتقان سوققىلارعا بايلانىستى قاتتى الاڭداۋشىلىق ءبىلدىردى. قازاقستان ازاماتتىق ينفراقۇرىلىمعا جاسالعان شابۋىلداردى العاشقىلاردىڭ ءبىرى بولىپ ايىپتاعانىن اتاپ ءوتتى. بۇل تۋرالى ول ءباا پرەزيدەنتى شەيح مۇحاممەد بەن زايد ءال ناحايانمەن تەلەفون ارقىلى سويلەسكەندە دە ايتقان بولاتىن.

توقايەۆ بەيتاراپ ەلدەردىڭ سوعىس قيمىلدارىنا تارتىلۋىنا قازاقستاننىڭ قارسى ەكەنىن، شيەلەنىستى توقتاتۋعا جانە قاقتىعىسقا قاتىسپاي وتىرعان پارسى شىعاناعى ەلدەرىنىڭ ەگەمەندىگى مەن اۋماقتىق تۇتاستىعىن قۇرمەتتەۋگە شاقىراتىنىن جەتكىزدى.

كەلىسسوز الاڭىن ۇسىنۋ

مەملەكەت باسشىسى جاعدايدى ديپلوماتيالىق جولمەن رەتتەۋ قاجەتتىگىن باسا ايتتى. «ەلىمىز قاجەتتىلىك تۋىنداعان جاعدايدا، ىزگى نيەت ءبىلدىرىپ، بەيبىت كەلىسسوزدەر جۇرگىزۋ ءۇشىن الاڭ ۇسىنۋعا دايىن ەكەنىن راستادى»، - دەلىنگەن اقوردانىڭ باسپا ءسوز قىزمەتى تاراتقان مالىمەتتە.

ستراتەگيالىق ارىپتەستىكتى نىعايتۋ

بۇدان بولەك، توقايەۆ قازاقستاننىڭ باا-مەن ستراتەگيالىق ارىپتەستىكتى ودان ءارى دامىتۋعا جانە نەگىزگى باعىتتار بويىنشا ىنتىماقتاستىقتى نىعايتۋعا نيەتتى ەكەنىن اتاپ ءوتتى. ءوز كەزەگىندە، ەلشى مۇحاممەد سايد مۇحاممەد ءال-اريقي قازاقستاننىڭ بۇۇ جارعىسىنىڭ قاعيداتتارىن قولداپ، ءباا جانە پارسى شىعاناعى اراب مەملەكەتتەرى ىنتىماقتاستىق كەڭەسى ەلدەرىنىڭ ەگەمەندىگى مەن قاۋىپسىزدىگىن قۇرمەتتەگەنى ءۇشىن العىس ءبىلدىردى.