InfoHub Logo

استانادا قازاقستان پرەزيدەنتى قاسىم-جومارت توقايەۆ پەن ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى تو لام اراسىندا شاعىن قۇرامدا كەلىسسوزدەر ءوتتى. مەملەكەت باسشىسى بۇل ساپاردى ەكى ەل اراسىنداعى دوستىقتىڭ سيمۆولى دەپ باعالادى.

– ۆەتنام – قازاقستاننىڭ ازياداعى ماڭىزدى سەرىكتەسى. ءبىز ورتاق ماقساتتارعا جەتۋ جولىندا بىرلەسىپ ارەكەت ەتۋگە دايىنبىز. الداعى ايدا ديپلوماتيالىق قارىم-قاتىناسىمىزدىڭ ورناعانىنا 33 جىل تولادى، – دەدى پرەزيدەنت.

تو لام قازاق ەلىندە كورسەتىلگەن قوناقجايلىلىق ءۇشىن ريزاشىلىق ءبىلدىرىپ، كەلىسسوزدەر ەكىجاقتى بايلانىستى ودان ءارى نىعايتاتىنىنا سەنىم ءبىلدىردى.

– ءسىزدىڭ ۆەتنامعا جاساعان ساپارىڭىزدان كەيىن ءبىزدىڭ ەلدىڭ قازاقستانعا ارنايى كەلۋى – مەملەكەتتەرىمىز اراسىنداعى سەنىم مەن سەرىكتەستىكتىڭ ناقتى كورسەتكىشى. قازاقستان – ۆەتنامنىڭ ورتالىق ازياداعى العاشقى ستراتەگيالىق سەرىكتەسى بولادى، – دەدى تو لام.