tengrinews.kz
قاسىم-جومارت توقايەۆ قازاقستاندىقتاردى قۇربان ايت مەرەكەسىمەن قۇتتىقتادى
قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ ەلىمىزدەگى بارشا مۇسىلمانداردى قۇربان ايت مەرەكەسىمەن قۇتتىقتادى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەت باسشىسىنىڭ قۇتتىقتاۋ حاتىندا ايتىلعانداي، قۇربان ايت مۇسىلمان الەمىندە ەرەكشە ورىن الاتىن، زور ىقىلاسپەن كۇتىلەتىن مەرەكە.
«بۇل مەرەكە مەيىرىمدىلىككە، جاناشىرلىققا، رۋحاني كەمەلدەنۋگە، ءوزارا قۇرمەت پەن سەنىمگە، ىنتىماققا شاقىرادى. قۇربان ايتتىڭ قاسيەتتى كۇندەرى بىر-بىرىمىزگە قولداۋ كورسەتۋدىڭ، اعا بۋىندى قادىرلەۋدىڭ، ەلدىڭ يگىلىگى جولىنداعى ورتاق جاۋاپكەرشىلىكتىڭ ماڭىزدىلىعىن ەسكە سالادى. بۇل – ادىلدىككە، تازا نيەتكە، گۋمانيزمگە نەگىزدەلگەن يسلامدى تەرەڭ ءتۇسىنۋ مەن سانالى تۇردە قابىلداۋ كەزەڭى»، - دەلىنگەن حاتتا.
پرەزيدەنت ءوز سوزىندە يسلامنىڭ جانە باسقا دا ءداستۇرلى دىندەردىڭ پروگرەسسيۆتى قۇندىلىقتارىنىڭ حالقىمىزدىڭ رۋحاني دامۋىنا، ۇرپاقتار ساباقتاستىعىنا، قوعامداعى بىرلىك پەن كەلىسىمگە بەرىك نەگىز بولاتىنىن اتاپ ءوتتى.
«ءبىز ءۇشىن وتاننىڭ ەگەمەندىگى مەن تاۋەلسىزدىگىنەن اسقان ەشتەڭە جوق. كونستيتۋسيا – حالقىمىزدىڭ كۇندەلىكتى ءومىرىنىڭ ايناسى، ءبىزدىڭ بىرەگەيلىگىمىزدىڭ وزەگى. سوندىقتان ۇلتتىق بىرلىكتى نىعايتۋ، ەتنوسارالىق جانە كونفەسسياارالىق كەلىسىمدى قامتاماسىز ەتۋ – مەملەكەتتىك ساياساتتىڭ مىزعىماس باسىمدىعى جانە اسا ماڭىزدى كونستيتۋسيالىق مىندەت»، - دەدى قاسىم-جومارت توقايەۆ.
مەملەكەت باسشىسى ەلدەگى تۇراقتىلىق پەن ۇيلەسىمدىلىكتى ساقتاۋ ءاربىر ازاماتتىڭ پارىزى ەكەنىن ايتىپ، جاھاندىق سىن-قاتەرلەرگە تولى قازىرگى كەزەڭدە بۇل – وتانىمىزدىڭ ودان ءارى وركەندەۋىنىڭ نەگىزى، ادىلەتتى، پروگرەسسيۆتى قازاقستاندى قۇرۋدىڭ باستى شارتى ەكەنىن باسا ايتتى.
«بىرلىك پەن جاسامپازدىق پاتريوتيزمىندە ءبىزدىڭ باستى كۇشىمىز بار ەكەنىنە سەنىمدىمىن. بارشا وتانداستارىما زور دەنساۋلىق، باقىت جانە يگىلىك تىلەيمىن! قۇربان ايت مەرەكەسى قۇتتى بولسىن!» - دەپ تۇيىندەدى پرەزيدەنت.
-
ۆىپۋسكنيكي شكولى ۆ ارىسي سدەلالي بلاگورودنىي پوستۋپوك، پوداريۆ دوم سەمە سۆوەگو ۋشەدشەگو ودنوكلاسسنيكا، چەم ۆىزۆالي ۆوسحيششەنيە وبششەستۆەننوستي.
-
Kazakhstan's President Kassym-Jomart Tokayev conveyed warm wishes to all Muslims celebrating the sacred occasion of Eid al-Adha، emphasizing unity and spiritual growth.
