InfoHub Logo

ايتىسكەر اقىن مۇحامەدجان تازابەك جۋرناليست جانار بايسەمىزدىڭ YouTube ارناسىنداعى سۇحباتىندا قازاقستاننىڭ تۇڭعىش پرەزيدەنتى نۇرسۇلتان نازاربايەۆقا قاتىستى پىكىرىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

اقىننىڭ ايتۋىنشا، ونىڭ كوزقاراسى بەلگىلى ءبىر تۇلعالارعا ەمەس، جالپى بيلىك جۇيەسىندەگى قۇندىلىقتار مەن باسقارۋ مادەنيەتىنە باعىتتالعان. ول نازاربايەۆقا، توقايەۆقا نەمەسە باسقا دا بيلىك باسىنداعىلارعا ەمەس، بيلىكتىڭ جالپى قۇندىلىقتارىنا نازار اۋداراتىنىن اتاپ ءوتتى.

تۇڭعىش پرەزيدەنتكە دەگەن ءۇمىت

تازابەك «تۇڭعىش پرەزيدەنت» ۇعىمىن وتباسىنداعى تۇڭعىش بالامەن سالىستىردى. ونىڭ پايىمىنشا، وتباسىنداعى تۇڭعىش بالاعا ەرەكشە ءۇمىت ارتىلاتىنى سەكىلدى، ەلدىڭ العاشقى باسشىسىنا دا كەڭ مۇمكىندىك پەن ايرىقشا وكىلەتتىك بەرىلگەن.

اقىننىڭ ويىنشا، سول كەزەڭدە بيلىك ءبىر ورتالىققا شوعىرلانىپ، ماڭىزدى شەشىمدەر كوبىنە ءبىر جۇيەنىڭ اينالاسىندا قابىلداندى. دەگەنمەن، ول وتكەن داۋىردەگى قاتەلىكتەردى تەك ءبىر ادامنىڭ اتىمەن بايلانىستىرۋدى ادىلەتسىز دەپ سانايدى.

قاتەلىكتەردى سارالاۋ

«نازاربايەۆتىڭ ءوزى دە كادر ماسەلەسىندە دە، باسقا شەشىمدەردە دە قاتەلىكتەر بولعانىن مويىنداعان. كەڭەستىك تاپشىلىقتان كەيىن حالىق مولشىلىققا ۇمتىلدى. بۇل ءبىر ادامنىڭ عانا ارەكەتى ەمەس، تۇتاس قوعامنىڭ تالپىنىسى ەدى»، – دەدى مۇحامەدجان تازابەك.

ونىڭ ايتۋىنشا، 90-جىلدار مەن وتپەلى كەزەڭدە قوعامدا اركىم ءوز مۇددەسىن كۇيتتەگەن جاعدايلار كوپ بولدى. كەيبىر ىقپالدى ازاماتتار مەن شەنەۋنىكتەر مەملەكەت مۇلكىنە جەكە مەنشىگىندەي قارادى.

تازابەك بيلىك جۇيەسىندەگى كەمشىلىكتەردى ءتۇسىنۋ ءۇشىن جەكە تۇلعالاردى عانا ەمەس، سول ورتانى قالىپتاستىرعان قوعامدىق سانا مەن قۇندىلىقتاردى دا سارالاۋ قاجەت ەكەنىن ايتتى.

«قاتەلىكتەردى ءبىر ادامعا عانا تاڭۋ دۇرىس ەمەس. پاتشانىڭ جانىنداعىلار دا سول ورتانى قالىپتاستىرادى. تومەن ويلايتىندار ادامداردى تالقىلايدى، ورتاشا ويلايتىندار وقيعالاردى ءسوز ەتەدى، ال جوعارى ويلايتىندار قۇندىلىقتاردى سارالايدى دەيدى. سوندىقتان مەن بارىنشا قۇندىلىق تۇرعىسىنان ويلاۋعا تىرىسامىن»، – دەدى اقىن.

وسىلايشا، مۇحامەدجان تازابەك نازاربايەۆ كەزەڭىنە باعا بەرگەندە ەموسياعا بەرىلمەي، سول داۋىردەگى قوعامدىق احۋال مەن بيلىك مادەنيەتىنە نازار اۋدارۋ كەرەك دەگەن ويىن جەتكىزدى.