InfoHub Logo

بەلگىلى تەلەجۇرگىزۋشى ءارى بلوگەر ءلايلا سۇلتان قىزى ادام تانىماستاي وزگەرىپ، الەۋمەتتىك جەلىدە قىزۋ تالقىعا ءتۇستى. ونىڭ جاڭا بەينەسىن كورگەن كوپشىلىك تاڭدانىسىن جاسىرا المادى.

بۇل تۋرالى Infohub.kz اقپارات اگەنتتىگى حابارلايدى.

جاڭا وبرازدىڭ سىرى

ءلايلا سۇلتان قىزى ءوزىنىڭ پاراقشاسىنا جاڭا وبرازداعى سۋرەتتەرىن جاريالاپ، وقىرماندارىنا ەرەكشە جازبا ارنادى. ول وزگەرىسىنىڭ سىرى «اسكەزا» تاسىلىندە ەكەنىن ايتتى. بۇل – وز-وزىڭمەن كەلىسىم جاساپ، بەلگىلى ءبىر ۋاقىتقا ناقتى شەكتەۋ قويۋ ارقىلى ماقساتقا جەتۋدىڭ جولى.

«مەن نەگە وسىندايمىن؟ بۇل پوست – ەرىك-جىگەرى السىزدەرگە ارنالعان. شىنىمدى ايتسام، بۇل ءتاسىل ءوزىن جەڭۋ قيىن ادامدارعا جاقسى كومەكتەسەدى. مىسالى، مەن ءبىراز ۋاقىتتان بەرى ءتاتتى جەمەيمىن، كولا ىشپەيمىن، جاياۋ جۇرەمىن، جامان ويدى جاقسىعا اينالدىرامىن، ۋاقىتىندا ۇيىقتايمىن. مۇنى جاي زوج رەتىندە ەمەس، ارمانعا نەگىزدەپ قويدىم: 10 كۇن، 2 اپتا نە 1 اي. وزىممەن كەلىسىمشارتقا وتىرعانداي…» – دەپ جازدى ول.

«ستوپ» تەتىگى

تەلەجۇرگىزۋشى ساناسىنا «بۇزسام، نيەتىم ورىندالمايدى» دەگەن ويدى ورناتقانىن ايتادى. ونىڭ سوزىنشە، بۇل ءتاسىل «توقتاۋ» تەتىگى سەكىلدى اسەر ەتەدى.

«ناتيجە؟ سالماق كەتتى، بەت تازاردى. ۇيقىم دۇرىستالدى. ەڭ باستىسى، وزىمە دەگەن سەنىم پايدا بولدى. بايقاپ كورىڭىزدەر. ال سىزدە قانداي «اسكەزا» بولدى؟ ايتپاقشى، تەمەكى تارتاتىن تانىس جىگىت تە وسىلايشا تاستاپ كەتتى»، – دەدى ءلايلا سۇلتان قىزى.

جەلى قولدانۋشىلارى بلوگەردىڭ وزگەرىسىن جوعارى باعالاپ، ەرىك-جىگەر مەن ءوزىن-وزى دامىتۋ تاقىرىبىنداعى جازباسىنا بەلسەندى تۇردە پىكىر قالدىرۋدا.