InfoHub Logo

اسپازدىعىمەن، تاعامدارىنىڭ دامدىلىگىمەن اتى شىققان ءبىر كارى ايەل، ۇلى مەن جاڭا تۇسكەن كەلىنىن كەشكى اسقا ۇيىنە قوناققا شاقىرادى. ۇيدە باسقا دا قوناق بار. بالاسى مەن كەلىنى داستارحانعا جايعاسىپ، دامنەن العاندارىندا كۇتپەگەن جاعداي ورىن الادى. اناسىنىڭ جاساعان تاماعى، ادامنىڭ تابەتىن قاشىراتىنداي وتە ناشار بولاتىن. جاساعان ءتاتتى بالىشتەرىنەن جاعىمسىز ءيىس شىعىپ تۇردى. كارتوپتارى جارتىلاي پىسكەن، كوتلەتتەرى كۇيىپ كەتكەن. ۇلى كەلىنشەگىنە بىلدىرمەۋگە قانشا تىرىسسا دا، ءبارىبىر جۇزىنەن بايقالىپ تۇر. ءبىراز ۋاقىتتان سوڭ، تاماقتارىن جەپ بولىپ، جاڭا ۇيلەنگەن جۇپتار انالارىنىڭ باتاسىن الىپ، قوش ايتىسىپ ۇيلەرىنە كەتەدى. ۇلى مەن كەلىنى كەتكەن سوڭ، الگى قوناق كارى ايەلدەن: «ءسىز تاماقتى جاقسى پىسىرەتىن ەدىڭىز عوي، نەگە بۇگىن تاماعىڭىز ءدامسىز بولدى؟ الدە اۋىرىپ تۇرسىز با؟» دەپ سۇرايدى. كارى ايەل كۇلىمسىرەپ: «جوق، ءبارى دۇرىس. ادەيى وسىلاي جاسادىم. بۇدان بىلاي ۇلىم قايتا-قايتا مەنىڭ تاماعىمنىڭ دامدىلىگىن ايتىپ، ايەلىن رەنجىتپەيتىن بولادى»، دەگەن ەكەن.

---