InfoHub Logo

قازاقتىڭ ۇلتتىق تاعامدارى الەمدىك رەيتينگتە تومەن باعا الىپ، 92-ورىنعا جايعاستى. بۇل تۋرالى World Population Review زەرتتەۋىندە ايتىلعان.

بۇل تۋرالى Infohub.kz اقپارات اگەنتتىگى حابارلايدى.

الەمدىك رەيتينگتەگى ورىن

زەرتتەۋ ناتيجەسىندە قازاقستان 3،9 بالل جيناپ، 99 ەلدىڭ ىشىندە 92-ورىنعا تۇراقتادى. بۇل رەيتينگتە ەڭ جوعارى باعانى جەرورتا تەڭىزى مەن ازيا ەلدەرىنىڭ اسحانالارى الدى. گرەكيا 4،6 باللمەن ءبىرىنشى ورىنعا شىقتى، ال يتاليا مەن مەكسيكا سايكەسىنشە 4،59 جانە 4،52 بالل جينادى.

رەيتينگتىڭ ەرەكشەلىكتەرى

رەيتينگتىڭ العاشقى وندىعى 2024 جىلمەن سالىستىرعاندا وزگەرىسسىز قالدى. وعان يتاليا، مەكسيكا، تۇركيا، يسپانيا، پورتۋگاليا، يندونەزيا، فرانسيا، جاپونيا جانە جۇڭگو كىردى. گرەكيا 2025 جىلى ەڭ جوعارى باعالانعان اسحانا رەتىندە تانىلدى.

رەيتينگتىڭ سوڭعى ورىندارىن نيكاراگۋا، لاوس جانە بوليۆيا ەلدەرى يەلەندى. زەرتتەۋ اۆتورلارىنىڭ ايتۋىنشا، بۇل رەيتينگ پايدالانۋشىلاردىڭ پىكىرلەرى، ساۋالنامالار جانە اشىق دەرەككوزدەر نەگىزىندە جاسالعان.

"بۇل رەيتينگ شامامەن 400 000 جەكە پىكىرلەرگە نەگىزدەلگەن. "ەڭ جاقسى" اسحانا ۇعىمى وتە سۋبەكتيۆتى، ءبىر ادامنىڭ پىكىرى ەكىنشى ادامنىڭ پىكىرىنەن ايتارلىقتاي وزگەشە بولۋى مۇمكىن."