Photo: Juan Pablo Serrano (https://www.pexels.com/@juanpphotoandvideo) / Pexels
«قازاق ءتىلى – كەدەيلەردىڭ ءتىلى»: دەپۋتاتتىڭ ءسوزى جۇرتشىلىقتىڭ اشۋىن تۋدىردى
ءماجىلىس دەپۋتاتى سامات نۇرتازانىڭ الەۋمەتتىك جەلىدەگى ەسكى جازباسى جۇرتشىلىقتىڭ قىزۋ تالقىسىنا اينالدى. وندا دەپۋتات قازاق ءتىلىن «كەدەيلەردىڭ، تاچكا يتەرۋشىلەر مەن وفيسيانتتاردىڭ ءتىلى» دەپ اتاپ، «كىجىن ءسىڭىر! اشۋلان كەدەي» دەپ جازعان.
بۇل پىكىر الەۋمەتتىك جەلى قولدانۋشىلارىنىڭ اشۋىن تۋدىرىپ، ولار باس پروكۋراتۋراعا ارىز تۇسىرۋگە دەيىن باردى. جەلىدەگى پىكىرلەردىڭ كوبىسى دەپۋتاتتىڭ ءوز انا ءتىلىن قۇرمەتتەمەگەنىن، ونىڭ قىزمەتىنە سىن كوزبەن قارايتىنىن ءبىلدىردى.
بۇل تۋرالى Infohub.kz اقپارات اگەنتتىگى حابارلايدى.
الايدا، دەپۋتات nege.kz پورتالىنا بەرگەن سۇحباتىندا بۇل جازبانى 2019-2020 جىلدارى اشۋعا بەرىلىپ، ساركازممەن جازعانىن ايتتى. ونىڭ سوزىنشە، بۇل – كۇيىنىش پەن اشۋدان تۋىنداعان پىكىر بولعان جانە ونى كەيىننەن ءارتۇرلى ماقساتتا بۇرمالاپ قولدانعان.
«جىلدا شىعادى وسى سكرين»، – دەپ كەلتىرەدى دەپۋتات ءسوزىن.
قازىرگى تاڭدا سامات نۇرتازا زاڭگەرمەن كەڭەسىپ، ءوزىن قارالاپ جاتقاندارعا قارسى شارالار قابىلداۋدى جوسپارلاپ وتىر. سونداي-اق، ول الەۋمەتتىك جەلىدەگى پاراقشاسىندا رەسمي مالىمدەمە جاريالايتىنىن حابارلادى.
-
ۇلتتىق قاۋىپسىزدىك كوميتەتى قوستاناي وبلىسى اكىمىنىڭ ورىنباسارى گۋلبارام مۋساعازينانىڭ ۇستالۋىنا قاتىستى اقپاراتتى راستادى. قازىرگى ۋاقىتتا سوتقا دەيىنگى تەرگەۋ ءجۇرىپ جاتىر.
-
A former social media post by a Member of Parliament calling the Kazakh language the language of the poor has ignited widespread criticism and calls for action.
