قازاق-تۇرىك ليسەيلەرى ەندى بيل اتاۋىن يەلەنۋى مۇمكىن
قازاقستان مەن تۇركيا اراسىنداعى ءبىلىم بەرۋ سالاسىنداعى ەكىجاقتى ىنتىماقتاستىقتى دامىتۋ ماقساتىندا ەكى ەل پرەزيدەنتتەرىنىڭ تىكەلەي قولداۋىمەن قۇرىلعان «KATEV» حالىقارالىق قوعامدىق قورى قازاق-تۇرىك ليسەيلەرىنىڭ اتاۋىن «ءبىلىم-يننوۆاسيا ليسەيى» دەپ اتاۋ تۋرالى ۇسىنىس جاسادى.
«قور باسشىلىعىنىڭ (قوردىڭ قۇرىلتايشىلار كەڭەسى مەن قوردىڭ عىلىمي-ادىستەمەلىك كەڭەسى)، قتل ءبىلىم الۋشىلارىنىڭ اتا-انالار قاۋىمداستىعى، ليسەي ديرەكتورلارىنىڭ شەشىمىمەن قتل اتاۋىنا «رەبرەندينگ» جاساۋ، ياعني ءبىلىم بەرۋ ۇيىمىنىڭ قوعامداعى ورنى مەن مارتەبەسىن جايلى جايعاستىرۋ ماقساتىندا اتىن اۋىستىرۋدى، جانە دە ونى قازاقستان رەسپۋبليكاسى تاۋەلسىزدىگىنىڭ 25 جىلدىق مەرەيتويىنا ورايلاستىرىپ، اتاۋىن «ءبىلىم-يننوۆاسيا ليسەيى» دەپ وزگەرتۋ تۋرالى باستاما كوتەرىپ وتىر»،-دەپ حابارلانعان قوردىڭ باسپا ءسوز قىزمەتى تاراتقان اقپاراتتا.
قوردىڭ باسپا ءسوز قىزمەتى تاراتقان اقپاراتقا سۇيەنسەك، ق ر پرەمەر-مينيسترىنىڭ ورىنباسارى يمانعالي تاسماعامبەتوۆ قوردىڭ قامقورشىلىق كەڭەسىنىڭ ءتوراعاسى بولىپ، ال ق ر ءبىلىم جانە عىلىم ءمينيسترى ەرلان ساعادييەۆ اتالعان كەڭەستىڭ مۇشەسى اتانعان ەكەن.
ايتا كەتەيىك، ءقازىر «KATEV» حقق باسقارۋىندا 27 مەملەكەتتىك قازاق-تۇرىك ليسەيى بار. قور قازاقستان رەسپۋبليكاسى زاڭناماسىنا، حالىقارالىق نورمالارعا، سونداي-اق، قۇرىلتايشىلار اراسىنداعى جارعى ەرەجەلەرىنە سايكەس قىزمەت اتقارادى. قوردىڭ قۇرىلتايشىلار قۇرامى ءۇش ادامنان تۇرادى، بارلىعى قازاقستان رەسپۋبليكاسىنىڭ ازاماتتارى.
ليسەي وقۋشىلارىنىڭ 2015-2016 وقۋ جىلى جەتكەن جەتىستىكتەرى:
حالىقارالىق پاندىك وليمپيادالار - 129؛
حالىقارالىق عىلىمي جوبا جارىستارى - 238؛
رەسپۋبليكالىق پاندىك وليمپيادا - 253
رەسپۋبليكالىق عىلىمي جوبا جارىستارى - 62.
ال، الدىڭعى قاتارلى وقۋ ورىندارىنا ءتۇسۋ بويىنشا 2015-2016 وقۋ جىلىندا ق ر جوو-ىنا (گرانتتار) 821 تۇلەك تۇسكەن. نازاربايەۆ ۋنيۆەرسيتەتىنە - 148، تمد جانە الىس شەت ەلدەردىڭ جوو - 267 ءبىتىرۋشى قابىلدانعان.
ەسكە سالا كەتسەك، تۇركيا پرەزيدەنتى رەدجەپ تايىپ ەردوعان اتالعان ليسەيلەردىڭ تۇرىك ءدىندارى، وپپوزيسيونەر فەتحۋللا گۇلەنگە تىكەلەي قاتىسى بارىن ايتىپ، پرەزيدەنت نۇرسۇلتان نازاربايەۆقا ولاردى جابۋعا كەڭەس بەرگەن بولاتىن.
ءوز كەزەگىندە ەلباسى اتالعان وقۋ ورىندارىنا اۋقىمدى تەكسەرۋلەر جۇرگىزەتىنىن مالىمدەگەن.
You Might Also Like
-
- بالا باعۋعا باراسىڭ، - دەدى زاۆۋچ پەريزاتقا. - قانداي بالا؟! - دەدى پەريزات تاڭدانىپ. - مەكتەپكە قوڭىراۋ شالىندى. "بوس ءمۇعالىم بولسا، بالا باعۋعا جىبەرىڭدەرشى" دەيدى. - اپاي، م...
-
الياسكالىق وزدىگىنەن ۇيرەنگەن دارىندى سۋرەتشى لي كروسس (Lee Cross) ويىنشىق جاساۋمەن 12 جاسىنان اۋەس. پاندا مەن تۇلكىلەردەن بولەك لي كروسس ەرتەگى كەيىپكەرلەرىن جاساعاندى ۇناتادى. ويىنشىقتار سۇيكىمدىل...
