پرەسس-سلۋجبا "كازاحمىس
"قازاقمىس" 2028 جىلعا دەيىنگى ونەركاسىپتىك قاۋىپسىزدىك ستراتەگياسىن بەكىتتى
"قازاقمىس" كورپوراسياسى 2026-2028 جىلدارعا ارنالعان ونەركاسىپتىك قاۋىپسىزدىكتى ترانسفورماسيالاۋ ستراتەگياسىن بەكىتتى. ماقساتى – جاراقاتتانۋدى ازايتۋ، تاۋەكەلدەردى باقىلاۋدى كۇشەيتۋ جانە ولىممەن اياقتالاتىن جاعدايلاردى نولگە تەڭەۋ. بۇل تۋرالى كورپوراسيانىڭ باسپا ءسوز قىزمەتى حابارلادى.
"قازاقمىس" كومپانيالار توبىندا ونەركاسىپتىك قاۋىپسىزدىك جانە ەڭبەكتى قورعاۋ ماسەلەلەرىنە ارنالعان ستراتەگيالىق سەسسيا ءوتتى. وتىرىستى "قازاقمىس" كورپوراسياسى" ج ش س باسقارما ءتوراعاسى رۋسلان وسكەنالى وتكىزدى.
كەزدەسۋدى اشا وتىرىپ، ول وندىرىستىك مىندەتتەردى تەك قاۋىپسىزدىك تالاپتارىن قاتاڭ ساقتاعان جاعدايدا عانا ورىنداۋعا بولاتىنىن اتاپ ءوتتى.
"ونەركاسىپتىك قاۋىپسىزدىك – ءبىزدىڭ ءبىرىنشى كەزەكتەگى باسىمدىلىعىمىز. وندىرىستىك جوسپارلار تەك قاۋىپسىزدىك تالاپتارىن ءسوزسىز ساقتاعان كەزدە عانا ورىندالادى. ءبىز باسقارۋشىلىق ءتارتىپتى كۇشەيتىپ، ءبىرىڭعاي باسقارۋ كونتۋرىن قۇرامىز. قىزمەتكەرلەردىڭ ءومىرى مەن دەنساۋلىعىنا قاتىستى ماسەلەلەردە ەشقانداي ىمىراعا جول بەرىلمەيدى"، - دەدى رۋسلان وسكەنالى.
تالقىلاۋعا باسقارما مۇشەلەرى، وندىرىستىك بولىمشەلەردىڭ باسشىلارى، تەحنيكالىق ماماندار، سونداي-اق حالىقارالىق "JMJ Associates" كومپانياسىنىڭ كەڭەسشىلەرى قاتىستى. ستراتەگيانى ەڭبەكتى قورعاۋ بلوگى جانبەك ەسماحانوۆتىڭ باسشىلىعىمەن دايىندادى. نەگىزگە جۇمىس جۇيەسىنىڭ كەشەندى باعالاۋى، سونىڭ ىشىندە ىشكى اۋديت جانە تاۋەلسىز حالىقارالىق زەرتتەۋ الىندى.
تالداۋ قورىتىندىسى بويىنشا باسقارۋشىلىق ءتارتىپتى كۇشەيتۋگە جانە بارلىق دەڭگەيدەگى جاۋاپكەرشىلىكتى ارتتىرۋعا باعىتتالعان نەگىزگى باعىتتار ايقىندالدى.
كومپانيا اقپاراتى بويىنشا، بەكىتىلگەن ستراتەگيا 2026-2028 جىلدارعا ارنالعان. قۇجات وندىرىستىك تاۋەكەلدەردىڭ سەبەپتەرىمەن جۇيەلى جۇمىس ىستەۋگە جانە بارلىق دەڭگەيدەگى قاۋىپسىزدىك مادەنيەتىن دامىتۋعا كوشۋدى كوزدەيدى. ستراتەگيا نولدىك جاراقاتتانۋ قاعيداتىنا نەگىزدەلگەن جانە تاۋەكەلدەردى باسقارۋ جۇيەسىن جەتىلدىرۋ مەن قاۋىپسىزدىك سالاسىنداعى كوشباسشىلىقتى دامىتۋدى قامتيدى.
كومپانيادا شەشىمدەردىڭ ورىندالۋىن باقىلايتىن ونەركاسىپتىك قاۋىپسىزدىك جانە ەڭبەكتى قورعاۋ جونىندەگى ورتالىق كوميتەت قۇرىلادى. وتىرىستار توقسانىنا كەم دەگەندە ءبىر رەت، ال جەرگىلىكتى جەرلەردە اي سايىن وتكىزۋ جوسپارلانۋدا.
2026 جىل – قاۋىپسىزدىك جىلى دەپ جاريالاندى. باسقارۋ جۇيەسىن، اناليتيكانى دامىتۋعا جانە الدىن الا كورسەتكىشتەردى ەنگىزۋگە باسا نازار اۋدارىلاتىنى اتاپ ءوتىلدى.
سونداي-اق، تاۋەكەلدەردى باقىلاۋدىڭ ءبىرىڭعاي ستاندارتتارى، باسشىلاردىڭ ءرولىن كۇشەيتۋ، قاۋىپسىزدىك تالاپتارىن بيزنەس-پروسەستەرگە ينتەگراسيالاۋ جانە جابدىقتاردى جاڭارتۋ قاراستىرىلعان.
نەگىزگى ماقسات – ينسيدەنتتەرگە جاۋاپ بەرۋدەن ولاردى الدىن الۋعا كوشۋ، جاراقاتتانۋدى ازايتۋ جانە ءولىم-جىتىمدى نولگە جەتكىزۋ.
بۇل تۋرالى Infohub.kz اقپارات اگەنتتىگى حابارلايدى.
-
اقتوبەدە ەسىرتكىگە بايلانىستى سوتتالعان ءانشى ومار امانتايەۆ (Qarakesek) قوعامدىق جۇمىسقا تارتىلىپ، قالا كوشەلەرىن تازالاپ ءجۇر.
-
Kazakhmys Corporation has adopted a new industrial safety strategy for 2026-2028، aiming to significantly reduce injuries and achieve zero fatalities.
