InfoHub Logo

كەشتىڭ تاقىرىبى: «تاۋەلسىزدىك دەپ سوعادى جۇرەگىمىز»
كەشتىڭ بارىسى: «كوك تۋدىڭ جەلبىرەگەنى» ءانى.
1 - جۇرگىزۋشى: ارمىسىزدار، قۇرمەتتى ۇستازدار، وقۋشىلار جانە قادىرمەندى قوناقتار! بۇگىنگى تاۋەلسىزدىگىمىزدىڭ 32 جىلدىعىنا ارنالعان «تاۋەلسىزدىك دەپ سوعادى جۇرەگىمىز» اتتى مەرەكەلىك كەشىمىزگە قوش كەلدىڭىزدەر!

تاۋەلسىزدىك - ەڭ باستى قۇندىلىعىمىز. تاۋەلسىزدىككە قانتوگىسسىز، بەيبىت تۇردە قول جەتكىزگەننەن كەيىن عانا ەلىمىزدى الەمنىڭ وركەنيەتتى مەملەكەتتەرىنىڭ قاتارىنا قوسا الدىق. 32 جىل ىشىندە تاۋەلسىز قازاق ەلىن قالىپتاستىرىپ، نارىقتىڭ قيىن وتكەلەكتەرىنەن امان وتكىزىپ كەلەمىز. وسى كەزەڭدە قازاقستاندى دۇنيە ديدارىنداعى ەڭ مىقتى مەملەكەتتەر تانيتىنداي، سىيلايتىنداي دەڭگەيگە جەتكىزگەن تۇڭعىش پرەزيدەنتىمىز نۇرسۇلتان نازاربايەۆتاي كورەگەن ساياساتكەردىڭ ەرەن ەڭبەگىن ءدال بۇگىن جانە ءارقاشاندا ايتىپ وتەمىز.
تاۋەلسىزدىك كۇنى ەلىمىزدىڭ بارلىق ازاماتتارى ءۇشىن ورنى ەرەكشە مەرەكە دەپ بىلەمىز، سەبەبى، وسىناۋ جۇرەكجاردى قۋانىشقا تولى كۇندى اتا - بابالارىمىز عاسىرلار بويى ارمانداپ، كۇتۋمەن ءوتتى.

2 - جۇرگىزۋشى:
ارمانداردى جاقىنداتىپ تىم الىس،
ءبىزدىڭ جاققا جەتكەن ەكەن جىلى اعىس.
ەگەمەندىك - ەل باقىتى، ەرتەڭى،
و، حالايىق! قۇتتى بولسىن قۋانىش!

ازات ولكەم كۇندەي كۇلگەن شىعىستان،
اسىل ەلىم جان - جۇرەكتى ۇعىسقان.
اتا بابام اڭساپ وتكەن باقىتىم،
اينالايىن، قازاقستان - گۇلستان!

قازاق ورتا مەكتەبىنىڭ كوركەمونەرپازدارىنىڭ شاعىن كونسەرتتىك باعدارلاماسىن قابىل الىڭىزدار.

1 - جۇرگىزۋشى:
كەڭ بايتاق، كوز جەتپەيتىن جەرىم مەنىڭ
تاۋلى ورمان، جاسىل جايلاۋ كولىم مەنىڭ
بۇگىندە بار الەمگە داڭقىڭ جەتتى
تاۋەلسىز قازاقستان – ەلىم مەنىڭ

2 - جۇرگىزۋشى:
تاس ەدەندە جاتتى قازاق بالاسى،
اۋىرسا دا، قىڭق ەتپەدى جاراسى،
جارالانعان جولبارىستاي، ىشقىنىپ،
ايتىپ جاتتى سوڭعى ءسوزىن ول اششششى!!!......

قايرات اتتى اتىم بار، ون سەگىزدە جاسىم بار...
ەركەك توقتى قۇرباندىق، اتام دەسەڭ اتىڭدار!....

سۇرانبادى، جالىنبادى تىك تۇردى،
بارلىق جەندەت قورىقتى ودان تىكسىندى،
تاس قورعاندا جالعىز ءوزى جاتسا دا،
قانىشەرلەر اينالادا كوپتىن - ءدى....

ءبىر قازاققا ءالى كەلمەي، جەر بولىپ،
مويىنداتپاق، ءبىر ولىكتى تەرگەۋلىك،
سەنىڭ ءىسىڭ، سەن ءولتىردىڭ دەگەندى،
ارتپاقتى ولار، ورەن جاسقا كولدەي عىپ....
ءان «قازاقستان» ورىندايتىن 10 - سىنىپ وقۋشىسى
2 - جۇرگىزۋشى: قۇتتىقتاۋ ءسوز كەزەگى مەكتەبىمىزدىڭ ديرەكتورىنا بەرىلەدى.
1 - جۇرگىزۋشى:
كۇي، سەنى ءتاتتى كورەم، جانىم ءسۇيىپ،
تىڭدايمىن تىنىم الماي، جانىپ – كۇيىپ
ءومىردىڭ سىرىن اشىپ جۇرەگىمە
مۋزانىڭ امىرىنە باسىمدى ءيىپ.
الايىق ەسكى كۇيدىڭ ءبارىن جيىپ،
جاندىرعان وي - قيالدى قالىڭ كۇيىك
شەرتتىرىپ قۇنارلىراق دومبىراعا
تەربەلىپ ىرعاعىنا تامىلجيىق

«بالبىراۋىن» كۇيى. ورىندايتىن: وقۋشىلار
باقىتىم - رەسپۋبليكام قازاقستان،
كوگىندە اق كوگەرشىن، قازدار ۇشقان.
ساعان جەتپەس قۇشاعى الەمنىڭ دە،
قىس بولسا، ءبىر شەتىندە جاز اۋىسقان.

الدارىڭىزدا بيشىلەر توبىنىڭ ورىنداۋىندا «قاماجاي ءبيى»

1 - جۇرگىزۋشى:
تاڭ قالادى تەرگەۋشى دە بەل كەتىپ،،
نەتكەن قايتپاس، ءبىز مۇندايدى كورمەدىك!!!
بارلىق قازاق وسىنداي ما.؟ بىلمەدىم،
جوق الدە سەن وقشاۋ ما ەدىڭ، نە ەرلىك؟....

بارلىق قازاق وسىنداي، بار قانىندا،
سول ەرلىكپەن ۇستاعان، سار دالامدى،
كىرگىزبەگەن جاۋلارىن، ءبىر سۇيەم دە،
ۇرپاعى ءۇشىن جان بەرگەن، ءور بابام دا!!!...

سول اتانىڭ ۇرپاعى مىنا مەنمىن،
ەستە ۇستا ەي جەندەت، كورمەگەنىڭ،
مەن قازاقپىن قورىقپان، ولىمنەن دە،
تابان استى، ول تۋعان جەرىم مەنىڭ.

ءبىر تامشى جاس، الماي قارا كوزىنە،
حالقى ءۇشىن جاۋاپتىعىن سەزىنە،
جاس قازاعىم، قيىندىقتان تايسالماي،
اركەزدەرى، جۇپتاپ تۇردى ءسوزىن دە؛

قايرات اتتى اتىم بار، ون سەگىزدە جاسىم بار،
ەركەك توقتى قۇرباندىق، اتام دەسەڭ اتىڭدار!!!

2 - جۇرگىزۋشى:
قازاق دەيتىن مەنىڭ ءبىر ەلىم،
جاتىر الىپ جارتى دۇنيە الەمىن.
بۇل دالانى انام جاسپەن سۋارعان،
بۇل دالاعا جىلاپ كەلىپ قۋانعان، - دەپ قاسىم امانجولوۆ اعامىز جىرلاعانداي، كەڭ بايتاق جەرىمىزدە قازاق حالقىنىڭ باسىنان نە وتپەدى دەسەڭىزشى. تالاي قيىندىقتى باستان كەشىرسە دە، ەشقاشان مويىماي، كۇرەسە ءبىلدى. ازاتتىق تاڭى تۋاتىنىنا كامىل سەنىپ، ۇمىتتەرىن ۇزبەدى.

سول كۇندەر عوي جۇرەكتىڭ اڭساعانى،
سوعان شولدەپ، شولىركەپ تامسانادى،
وكىنىش پە، بىلمەيمىن قۋانىش پا
ءوز - وزىنەن جۇرەگىم ءان سالادى.

«تۇمار» دۋەتىنىڭ ورىنداۋىندا ءان «العا، قازاق، جىگىتتەرى» «ورنىندا بار وڭالار» دەمەكشى، ەل ورنىندا، جەر ورنىندا، جەرگە جەتەر بايلىق جوق. جەر بولسا، ەل بولادى، ەل بولسا ەر بولادى. ەرلەرىمىزدىڭ ارقاسىندا «قازاقستان» ەگەمەندى ەل بولىپ، دۇنيە جۇزىنە تانىلدى. 120 - دان اسا ۇلت وكىلدەرى تۇراتىن وسىناۋ قاسيەتتى مەكەندە، اسقاقتاعان ولكەدە، كەڭشىلىگى كەرەمەت دارحان داستارحانداي دالادا، ەگىنى تەڭىزدەي تولقىعان، ءتورت تۇلىگى وربىگەن، ءوندىرىسى وركەندەگەن مەكەندە ءومىر ءسۇرۋشى ءاربىر ادام ءوز وتانىن جانىنداي ءسۇيىپ، ونىڭ كوك بايراعىن كوككە كوتەرۋدى ماقتانىش تۇتادى.

قازاقپىن، ەڭسەلى ەلمىن ەگەمەندى،
كەڭەيتتىم كەڭ الەمگە كەرەگەمدى.
مۇحيتتىڭ ار جاعىندا جاتقان جۇرتتار
تانىدى تەپە - تەڭ دەپ تەرەزەمدى.
قازاقپىن، قويناۋى - قۇت، جەرى - دارحان،
ءانىمدى بەس قۇرلىقتىڭ بارىندە ايتام.

ءان: «جاسا، قازاقستان!» ورىندايتىن: 9 - سىنىپ وقۋشىسى

جەلتوقسان – زامان تولعاعى بايتاق دالانىڭ،
شارپىعان ءساتى ءۇمىت پەن كۇدىك قالانىڭ
جەلتوقسان – قايرات، ءلاززات، سابيرا
قۇربانى بولعان جالانىڭ
ال قوعامنىڭ ادامنان بار ما اسىلى،
كەتكەندە جوق قۇلاقتان زار باسىلىپ،
بۇعاۋداعى بوزداقتارى كەتە باردى
ءبىرى اتىلىپ، ال ءبىرى دارعا اسىلىپ

1 - جۇرگىزۋشى:
بارلىق ۇلتتىڭ باسىن قوستى بۇل دوستىق
ۇلى دوستىق نۇرلى دوستىق
كۇن دوستىق دوستىق دەگەن قاسيەتتى ۇرانعا
كەڭ دالانىڭ جۇرەگى دە ءۇن قوستى
ءبيشى قىزدار بيىمەن دە ءۇن قوستى «شاتتىق» ءبيى. ورىندايتىن 9 - سىنىپ وقۋشىلارى

2 - جۇرگىزۋشى:
قاسيەتتى قازاقستان مەكەنىم،
اقيقاتتىڭ التىن بەسىگى ەكەنسىڭ.
ەلىم، جەرىم، وتانىم – ب ا ق - داۋلەتىم،
بولاشاعىم، ونەر - ءبىلىم، وركەنىم.

بەيبىت ءومىر تىلەيمىن مەن حالقىما
تۋعان ءتىلىم شۇبارلانبا جارقىرا
تاريحىمىزدا تالانتتىلار كوبەيسىن
باس يەمىن اتا بابا رۋحىنا.

بويىمدا ءانى بۇلاق جاتىر بۇرقىراپ
سول بۇلاقتان سىر اعىزدىم جىر قۇراپ
تىلەيتىنىم بارشا جۇرتقا ءبىر عانا
ىرىس، باقىت، تاتۋلىق پەن ىنتىماق.

ءان: «قازاقستانىم» ورىندايتىن: 7 - سىنىپ وقۋشىسى (بارشا بالا ارتىندا شىعىپ تۇرادى، قولدارىندا شار مەن جالاۋشا)

2 - جۇرگىزۋشى:
تۋ تىگىلدى حالقىمنىڭ بۇگىن باعىنا
جاس ورەندەر جەلبىرەتىپ نىق ۇستا
عاسىرلارعا جالعاستىرىپ ەلدىكتى
داق تۇسىرمە اتا بابا رۋحىنا
ۇلگى بىزگە اتالاردىڭ ەرلىگى
ۇلاعاتى ونەگەسى ەڭبەگى
تاۋەلسىزدىك تۋىن ۇستاپ جوعارى
بۇگىنگى ۇرپاق بولار ەلدىڭ ەرتەڭى دەي كەلە بۇگىنگى تاۋەلسىزدىگىمىزدىڭ 32 جىلدىعىنا ارنالعان «تاۋەلسىزدىك دەپ سوعادى جۇرەگىمىز» اتتى مەرەكەلىك كەشىمىز ءوز مارەسىنە دە كەلىپ جەتتى.
قازاق ەلىم! تۋدى جاستىق ءداۋىرىڭ.
العاندايسىڭ جۇلدىزىڭنىڭ جارىعىن.
تاۋەلسىزدىك قۇتتى بولسىن، قىمباتتىم،
تۋعان كۇنىڭ قۇتتى بولسىن، الىبىم!
تاۋەلسىزدىگىمىزدىڭ تۇعىرى بيىك، حالقىمىزدىڭ ەڭسەسى جوعارى، ەگەمەندىگىمىز باياندى بولسىن دەپ تىلەيىك، اعايىن. كەلەسى كەزدەسكەنشە ساۋ سالاماتتا بولىڭىزدار!