InfoHub Logo

قازاقستاندىق فريستايل-اكروباتتار يتالياداعى قىسقى وليمپيادا ويىندارىندا كوماندالىق جارىستىڭ العاشقى فينالىندا ونەر كورسەتتى. اتالعان جارىستا ەل نامىسىن ايانا جولداس، اسىلحان اسان جانە رومان يۆانوۆ قورعادى.

بۇل تۋرالى Infohub.kz اقپارات اگەنتتىگى حابارلايدى.

جارىس ناتيجەسى

مەدالدىق فينالعا شىعۋ ءۇشىن كوماندا العاشقى سىندا ۇزدىك تورتتىككە كىرۋى ءتيىس بولدى. ايانا جولداس ءوز ونەرى ءۇشىن 49،77 بالل، رومان يۆانوۆ 79،65 بالل يەلەندى. ال اسىلحان اسان ەڭ ۇزدىك ناتيجە كورسەتىپ، 84،51 بالل جينادى.

قورىتىندىلاي كەلە، قازاقستاندىق كوماندا بارلىعى 213،93 بالل جيناپ، جەتى قاتىسۋشىنىڭ اراسىندا جەتىنشى ورىن الدى. وسىلايشا، سپورتشىلارىمىز يتالياداعى قىسقى وليمپياداداعى جارىسىن اياقتادى.

باسقا كوماندالاردىڭ كورسەتكىشتەرى

ەكىنشى فينالعا ءتورت قۇراما شىقتى. ولاردىڭ اراسىندا اقش كومانداسى 351،23 باللمەن الدا كەلەدى. سونداي-اق، جۇڭگو (315،02)، اۆستراليا (289،04) جانە شۆەيساريا (278،48) سپورتشىلارى دا ۇزدىكتەر قاتارىنان كورىندى.

ايتا كەتەيىك، بۇعان دەيىن قازاقستاندىق مانەرلەپ سىرعاناۋشى سوفيا سامودەلكينا وليمپياداداعى ونەرىنە قاتىستى پىكىرىن بىلدىرگەن بولاتىن.