InfoHub Logo

قازاقستان قۇراماسىنىڭ باس باپكەرى تالعات جايلاۋوۆ حوككەيدەن ءبىرىنشى ديۆيزيوندا وتەتىن الەم چەمپيوناتىندا ەل نامىسىن قورعايتىن ويىنشىلاردىڭ ءتىزىمىن جاريالادى. بۇل تۋرالى فەدەراسيانىڭ باسپا ءسوز قىزمەتى حابارلادى.

بۇل تۋرالى Infohub.kz اقپارات اگەنتتىگى حابارلايدى.

قۇراماعا بارلىعى 23 ويىنشى ەندى. ولاردىڭ قاتارىندا 20 شابۋىلشى مەن 3 قاقپاشى بار.

قازاقستان قۇراماسىنىڭ الەم چەمپيوناتىنداعى ويىنشىلار ءتىزىمى:

قاقپاشىلار: نيكيتا بوياركين، اندرەي شۋتوۆ (ەكەۋى دە – «بارىس»، كحل)، ۆلاديسلاۆ نۋرەك («گورنياك»، رۋدنىي).

قورعاۋشىلار: ءادىل بەكەتايەۆ، دميتريي برەۋس، سامات دانيار (بارلىعى – «بارىس»، كحل)، تامىرلان گايتاميروۆ، بەيبارىس ورازوۆ، كيريلل نيكيتين (بارلىعى – «نوماد»، استانا)، فەدور حوروشيەۆ («تورپەدو»، وسكەمەن)، ەدۋارد ميحايلوۆ («سارىارقا»، قاراعاندى).

شابۋىلشىلار: ءاليحان اسەتوۆ، دىنمۇحامەد قايىرجان، ۆسيەۆولود لوگۆين، ءاليحان ومىربەكوۆ، كيريلل ساۆيسكيي، سەمەن سيمونوۆ، انسار شايحمەددەنوۆ (بارلىعى – «بارىس»، كحل)، ارتۋر گاتياتوۆ، كيريلل لياپۋنوۆ، باتىرلان مۇراتوۆ، رومان ستارچەنكو (بارلىعى – «نوماد»، استانا)، اركاديي شەستاكوۆ («ادميرال»، كحل).

ەستەرىڭىزگە سالا كەتەيىك، قازاقستان قۇراماسى ۋكراينا، فرانسيا، پولشا، ليتۆا جانە جاپونيا كوماندالارىمەن بىرگە ەليتالىق ديۆيزيونعا ورالۋ ءۇشىن ب ا ق سىناسادى. تۋرنير 2-8 مامىر ارالىعىندا پولشانىڭ سوسنوۆەس قالاسىندا وتەدى.