InfoHub Logo

قازاقستان مەملەكەتتىك قىزمەتكەرلەرىنىڭ جۇمىس كۇنى قىسقارتىلۋى مۇمكىن. پارلامەنت ماجىلىسىندە مەملەكەتتىك قىزمەت تۋرالى زاڭ جوباسى تانىستىرىلدى. بۇل جاڭالىق مەملەكەتتىك قىزمەت سالاسىنداعى جۇمىس تارتىبىنە ەلەۋلى وزگەرىستەر ەنگىزۋدى كوزدەيدى.

بۇل تۋرالى Infohub.kz اقپارات اگەنتتىگى حابارلايدى.

جاڭا زاڭ جوباسى بويىنشا، مەملەكەتتىك قىزمەتشىلەردىڭ اپتالىق جۇمىس ۋاقىتى 40 ساعاتتان اسپاۋى ءتيىس. بۇل نورما بارلىق قىزمەتكەرلەرگە قاتىستى بولادى. الايدا، ەرەكشە توپتار ءۇشىن جۇمىس ۋاقىتى ودان دا قىسقارتىلادى.

ارنايى توپتارعا جەڭىلدىكتەر

ءبىرىنشى جانە ەكىنشى توپتاعى مۇگەدەكتىگى بار مەملەكەتتىك قىزمەتشىلەر ءۇشىن جۇمىس ۋاقىتى اپتاسىنا 36 ساعاتتان اسپايتىن بولادى. بۇل ولاردىڭ دەنساۋلىق جاعدايىن ەسكەرە وتىرىپ قابىلدانعان شارا. سونداي-اق، جۇكتى ايەلدەرگە، ءۇش جاسقا دەيىنگى بالاسى بار اتا-انالارعا جانە ناۋقاس وتباسى مۇشەسىنە كۇتىم جاسايتىن قىزمەتكەرلەرگە تولىق ەمەس جۇمىس ۋاقىتى رەجيمى قاراستىرىلعان.

قوسىمشا جەڭىلدىكتەر مەن وتەماقىلار

جاڭا زاڭ جوباسى مەملەكەتتىك قىزمەتشىلەر ءۇشىن ءبىرقاتار قوسىمشا جەڭىلدىكتەردى دە قامتيدى. ولار:

بۇدان بولەك، قۇجاتتا ناشاقورلىقتى انىقتاۋ ءۇشىن مەديسينالىق كۋالاندىرۋ، قۇمار ويىندارعا قاتىسۋعا شەكتەۋ قويۋ جانە مەملەكەتتىك قىزمەتكە ورنالاسقان كەزدە كاسىپكەرلىك قىزمەتتى توقتاتۋ مىندەتى سياقتى قوسىمشا شارالار ەنگىزىلگەن.

مەملەكەتتىك قىزمەتكە ىرىكتەۋ تولىعىمەن سيفرلىق فورماتتا، «ە-قىزمەت» اقپاراتتىق جۇيەسى ارقىلى جۇزەگە اسىرىلادى. بۇل بوس لاۋازىمدى تاڭداۋدان باستاپ، ءوتىنىش بەرۋ جانە تاعايىنداۋعا دەيىنگى پروسەستەردى قامتيدى.

قىزمەتكەرلەر ءبىر ەلدى مەكەننەن ەكىنشىسىنە اۋىسقاندا نەمەسە مەملەكەتتىك ورگان قايتا ورنالاستىرىلعاندا، ولارعا كوتەرمە اقى مەن مۇلىكتى تاسىمالداۋعا وتەماقى تولەنەدى. سونداي-اق، بالالارىن بالاباقشاعا كەزەكسىز ورنالاستىرۋ جانە ارنايى جەڭىلدىكتى تۇرعىن ءۇي باعدارلامالارىنا قاتىسۋ ءۇشىن جاعدايلار جاسالادى.

ءماجىلىس «ق ر مەملەكەتتىك قىزمەتى تۋرالى» زاڭ جوباسىن ءبىرىنشى وقىلىمدا قابىلدادى.