InfoHub Logo

ەرتەڭ، 25 ناۋرىزدا استانادا وتەتىن FIFA Series تۋرنيرىندە قازاقستان قۇراماسى ناميبيامەن العاشقى كەزدەسۋىن وتكىزەدى. وڭتۇستىك افريكادان كەلگەن قارسىلاس كوماندا تۋرالى نە ءبىلۋىمىز كەرەك؟

بۇل تۋرالى Infohub.kz اقپارات اگەنتتىگى حابارلايدى.

ناميبيا قۇراماسىنىڭ رەيتينگى مەن تاريحى

ناميبيا قۇراماسى فيفا رەيتينگىندە 118-ورىندا تۇر. ولار افريكا ۇلتتار كۋبوگىنىڭ فينالدىق كەزەڭىنە ءتورت رەت قاتىسقان: 1998، 2008، 2019 جانە 2023 جىلدارى. اسىرەسە، 2023 جىلى كوماندا ءتۋرنيردىڭ 1/8 فينالىنا دەيىن جەتىپ، ۇزدىك ناتيجە كورسەتتى.

كوماندا قۇنى جانە ويىنشىلارى

Transfermarkt مالىمەتى بويىنشا، ناميبيا قۇراماسىنىڭ جالپى قۇنى 4،25 ميلليون ەۋروعا باعالانادى. قۇرامداعى 23 ويىنشىنىڭ ۇشەۋىنىڭ ترانسفەرلىك قۇنى جوق.

ەڭ قىمبات ويىنشىلار قاتارىنا قورعاۋشى رياان حانامۋب، جارتىلاي قورعاۋشى اپروسيۋس پەترۋس جانە شابۋىلشى پيتەر شالۋليلە كىرەدى.

رياان حانامۋب

31 جاستاعى سول قاناتتاعى قورعاۋشى وڭتۇستىك افريكا پرەمەر-ليگاسىندا ونەر كورسەتەتىن «امازۋلۋ» كلۋبىنىڭ ويىنشىسى. ونىڭ قۇنى 850 مىڭ ەۋرو.

اپروسيۋس پەترۋس

ورتالىق جارتىلاي قورعاۋشى سۋداننىڭ «ال-حيليال» كلۋبىندا وينايدى. باعاسى – 500 مىڭ ەۋرو.

پيتەر شالۋليلە

32 جاستاعى شابۋىلشى وڭتۇستىك افريكانىڭ «مامەلودي سانداۋنز» كلۋبىندا ونەر كورسەتەدى. ول ناميبيا قۇراماسىنىڭ ەڭ قىمبات ويىنشىسى، قۇنى 1،2 ميلليون ەۋرو. سونداي-اق، ول 19 گولىمەن قۇراما تاريحىنداعى ۇزدىك بومباردير بولىپ سانالادى.

ماچ تۋرالى

قازاقستان مەن ناميبيا اراسىنداعى كەزدەسۋ ەرتەڭ، 25 ناۋرىزدا ساعات 17:00-دە «استانا ارەنادا» وتەدى.

بۇعان دەيىن قازاقستان قۇراماسىنىڭ ارمەنيامەن دە جولداستىق كەزدەسۋ وتكىزەتىنى حابارلانعان بولاتىن. ال «قايرات» ويىنشىسى داستان ساتپايەۆ ناۋرىز ايىنداعى FIFA Series ويىندارىن وتكىزىپ الادى.