InfoHub Logo

قازاقستان ورتالىق ازيادا شەتەلدىك ينۆەستيسيا تارتۋدان كوش باستاپ كەلەدى. بۇۇ ساۋدا جانە دامۋ كونفەرەنسياسىنىڭ (UNCTAD) سوڭعى بايانداماسى بويىنشا، 2024 جىلدىڭ سوڭىنا قاراي ەل ەكونوميكاسىنا قۇيىلعان تىكەلەي شەتەلدىك ينۆەستيسيا (تشي) كولەمى 151،3 ميلليارد دوللارعا جەتتى. بۇل كورسەتكىش ەلدىڭ جالپى ىشكى ءونىمىنىڭ (ءجىو) 52%-ىن قۇرايدى.

بۇل سوما ورتالىق ازياداعى باسقا ەلدەر – وزبەكستان، تۇركىمەنستان، قىرعىزستان جانە تاجىكستانعا سالىنعان ينۆەستيسيانىڭ جالپى كولەمىنەن (69،3 ميلليارد دوللار) ەكى ەسەدەن استام. ياعني، ايماقتاعى بارلىق شەتەلدىك كاپيتالدىڭ ۇشتەن ەكىسىنەن استامى قازاقستانعا تيەسىلى.

ينۆەستيسيا كولەمى جاعىنان قازاقستان بالتىق جاعالاۋى ەلدەرىنىڭ كەيبىرىن دە باسىپ وزدى. مىسالى، ەستونيا، لاتۆيا جانە ليتۆاعا سالىنعان ينۆەستيسيانىڭ جالپى كولەمى 97،5 ميلليارد دوللار بولسا، قازاقستاننىڭ ينۆەستيسياسى 151،3 ميلليارد دوللارعا جەتتى. بۇل ەلدىڭ حالىقارالىق ينۆەستورلار ءۇشىن تارتىمدىلىعىن، ينستيتۋسيونالدىق ورتانىڭ تۇراقتىلىعىن جانە ۇلكەن نارىعىن كورسەتەدى.

2000 جىلى قازاقستانعا سالىنعان تشي نەبارى 10،1 ميلليارد دوللار بولسا، 2010 جىلعا قاراي بۇل كورسەتكىش 6 ەسەدەن استام ءوستى. ال 2023 جىلعا قاراي قازاقستان تمد ەلدەرى اراسىنداعى ماڭىزدى ينۆەستيسيالىق ورتالىقتاردىڭ بىرىنە اينالدى.

بۇگىنگى تاڭدا قازاقستان كاپيتال يمپورتتاۋشى ەل بولىپ قالا بەرەدى. شەتەلدىك كومپانيالاردىڭ ەل ەكونوميكاسىنا سالعان ينۆەستيسياسى قازاقستاندىق كومپانيالاردىڭ شەتەلگە سالعان ينۆەستيسياسىنان (شامامەن 18 ميلليارد دوللار) 8-9 ەسە ارتىق. بۇل ينۆەستيسيالار ءوندىرىس سەكتورىن، ينفراقۇرىلىمدى، قىزمەت كورسەتۋ سالاسىن دامىتۋعا جانە ەلدىڭ ايماقتىق ەكونوميكالىق كوشباسشى رەتىندەگى پوزيسياسىن نىعايتۋعا ىقپال ەتۋدە.

حالىقارالىق ۆاليۋتا قورىنىڭ سوڭعى دەرەكتەرى بويىنشا، قازاقستاندا جان باسىنا شاققانداعى ءجىو دەڭگەيى 14،77 مىڭ دوللارعا جەتتى. بۇل رەسەي مەن جۇڭگو سياقتى ءىرى ەكونوميكالاردان جوعارى.

وسىلايشا، قازاقستان تەك كاپيتال تارتۋمەن شەكتەلمەي، ورتالىق ازيانىڭ نەگىزگى ينۆەستيسيالىق تارتىلىس ورتالىعىنا اينالىپ، ەكونوميكانىڭ ۇزاق مەرزىمدى تۇراقتىلىعى مەن وسۋىنە جاعداي جاساپ وتىر.

بۇل تۋرالى Infohub.kz اقپارات اگەنتتىگى حابارلايدى.