Tengrinews.kz / تۋرار كازانگاپوۆ
“الەمدەگى ءبىرىنشى راكەتكا بولۋدى كوزدەيمىن“ – ەلەنا رىباكينا
قازاقستاننىڭ ءبىرىنشى راكەتكاسى ەلەنا رىباكينا بيىلعى ماۋسىمداعى باستى ماقساتى – الەمدىك رەيتينگتە ءبىرىنشى ورىنعا شىعۋ ەكەنىن ايتتى.
بۇل تۋرالى Infohub.kz اقپارات اگەنتتىگى حابارلايدى.
تەننيسشى بۇل تۋرالى ينديان-ۋەللس ءتۋرنيرىنىڭ باسپا ءسوز ءماسليحاتىندا مالىمدەگەن. «مەنىڭ ماقساتىم، ارينە، رەيتينگتە ودان ءارى جوعارى كوتەرىلىپ، ءبىرىنشى ورىندى يەلەنۋ. ءبىراق الدا ءالى كوپ جۇمىس بار ەكەنىن جانە كوپ نارسە باسقا ويىنشىلارعا بايلانىستى ەكەنىن تۇسىنەمىن. ءيا، بۇل مەنىڭ كەلەسى ۇلكەن ماقساتىم. بيىل وعان قول جەتكىزۋگە تىرىسامىن جانە ءساتتى بولادى دەپ ۇمىتتەنەمىن»، - دەپ ءتۇسىندىردى رىباكينا.
ەسكە سالايىق، ءتۋرنيردىڭ 1/4 فينالىندا امەريكالىق دجەسسيكا پەگۋلانى جەڭگەننەن كەيىن قازاقستاندىق تەننيسشى WTA رەيتينگىندە ايەلدەر اراسىندا ەكىنشى ورىنعا كوتەرىلدى.
ەلەنا رىباكينا ينديان-ۋەللس ءتۋرنيرىنىڭ فينالىندا الەمنىڭ ءبىرىنشى راكەتكاسى ارينا سوبولەنكومەن كەزدەسەدى. تۋرنير جەڭىمپازى 1 ميلليون 201 مىڭ 125 دوللار (585 ميلليون تەڭگەدەن استام) سىياقى الادى.
-
قازاقستانعا تارتىلعان شەتەلدىك ينۆەستيسيا كولەمى ورتالىق ازياداعى باسقا ەلدەردىڭ جالپى كورسەتكىشىنەن ەكى ەسەدەن اسادى. بۇل تۋرالى بۇۇ ساۋدا جانە دامۋ كونفەرەنسياسىنىڭ (UNCTAD) بايانداماسى مالىمدەيدى.
-
Kazakhstan's top tennis player، Elena Rybakina، has declared her ambition to reach the world number one ranking in the upcoming season.
