Photo: Ayazhan (https://www.pexels.com/@ayazhan-3173683) / Pexels
قازاقستان قارۋلى كۇشتەرى باس شتابىنىڭ ەكس-باسشىسى سۇلتان قامالەتدينوۆ زەينەتكەرلىككە شىقتى
قازاقستان قارۋلى كۇشتەرى باس شتابىنىڭ بۇرىنعى باسشىسى، گەنەرال-لەيتەنانت سۇلتان قامالەتدينوۆ 40 جىلدان استام قىزمەت ەتكەن اسكەري جولىن زەينەتكەرلىكپەن اياقتادى. بۇل تۋرالى قورعانىس مينيسترلىگىنىڭ باسپا ءسوز قىزمەتى حابارلادى.
بۇل تۋرالى Infohub.kz اقپارات اگەنتتىگى حابارلايدى.
ۇلتتىق اسكەري-پاتريوتتىق ورتالىعىندا وتكەن سالتاناتتى شاراعا قورعانىس مينيسترلىگىنىڭ باسشىلىعى، ارداگەرلەر جانە اقمولا گارنيزونىنىڭ جەكە قۇرامى قاتىستى. قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى، گەنەرال-لەيتەنانت قانىش ابۋباكىروۆ سۇلتان قامالەتدينوۆكە كوپ جىلعى قىزمەتى مەن ارميانى رەفورمالاۋعا قوسقان ۇلەسى ءۇشىن العىس ءبىلدىردى.
«كاسىبي باسشى رەتىندە تانىلدى»
«ءسىز جۇيەلى ويلاۋى بار، سالماقتى شەشىمدەر قابىلداي الاتىن جانە باعىنىشتىلارىمەن سىيلاستىق قارىم-قاتىناس ورناتا الاتىن جوعارى كاسىبي باسشى رەتىندە تانىلدىڭىز. ءسىز اسكەري قىزمەتشىلەردىڭ كەيىنگى ۇرپاقتارى ءۇشىن ءمىنسىز اسكەري بورىشتى وتەۋدىڭ ۇلگىسى بولىپ قالاسىز»، - دەپ اتاپ ءوتتى قانىش ابۋباكىروۆ.
سالتاناتتى ءراسىم بارىسىندا سۇلتان قامالەتدينوۆ قۇرمەت قاراۋىلى روتاسىنىڭ الدىندا اسكەري تۋمەن قوشتاستى. قىزمەت ەتكەن جىلدارى ول «داڭق» وردەنىنىڭ I جانە II دارەجەسىمەن، ال جۇمىستان شىققان كۇنى ۆەدومستۆولىق «ەل قورعانى» مەدالىمەن جانە قورعانىس ءمينيسترىنىڭ گراموتاسىمەن ماراپاتتالدى.
اسكەري جولى
سۇلتان قامالەتدينوۆ قارۋلى كۇشتەردە 40 جىلدان استام قىزمەت ەتتى. ول تۇركىستان جوعارى تانك كوماندالىق ۋچيليششەسىنىڭ كۋرسانتىنان قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى لاۋازىمىنا دەيىنگى جولدى ءجۇرىپ ءوتتى.
«قىزمەتتىك مانسابىنىڭ ءارتۇرلى كەزەڭدەرىندە ول جوعارى قۇزىرەتتىلىكتى، مىنەزدىڭ مىقتىلىعىن جانە ادامگەرشىلىك دانالىعىن تالاپ ەتەتىن جاۋاپتى لاۋازىمداردى اتقاردى. ول اسكەري پوليسيا ورگاندارىنىڭ قىزمەتىنە، رەزەرۆتەگى قىزمەتكە، اۋماقتىق قورعانىسقا جانە اسكەري قىزمەتشىلەردى الەۋمەتتىك قورعاۋعا قاتىستى نەگىزگى زاڭ جوبالارىن ازىرلەۋگە جانە ىلگەرىلەتۋگە قاتىستى»، - دەپ اتاپ ءوتتى ۆەدومستۆودان.
قورعانىس مينيسترلىگى بولاشاقتا سۇلتان قامالەتدينوۆتى اسكەري-پاتريوتتىق تاربيە جوبالارىنا تارتۋدى جوسپارلاپ وتىر. كەزدەسۋ ورتالىقتىڭ شىعارماشىلىق ۇجىمىنىڭ ونەرىمەن قورىتىندىلاندى.
ايتا كەتەيىك، 17 قاڭتاردا سۇلتان قامالەتدينوۆ قازاقستان رەسپۋبليكاسى قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى قىزمەتىنەن بوساتىلعان بولاتىن.
-
بەلگىلى وپەرا ءانشىسى مايرا مۇحامەد قىزىنىڭ كەنجەسى ايدا العاش رەت ءسان كورسەتىلىمىنە قاتىسىپ، كورەرمەندەردىڭ ىقىلاسىنا بولەندى.
-
كارىم ءماسىموۆتىڭ بۇرىنعى كۇيەۋ بالاسى ازامات كاپەنوۆ وزىنە تاعىلعان ايىپتار مەن قازاقستان تەمىر جولىنداعى قىزمەتى تۋرالى مالىمدەمە جاسادى.
