InfoHub Logo

تاۋەلسىزدىك – ەل ەركىندىگى. قازاقستان  تاۋەلسىزدىكتىڭ بەسىگىندە تەربەلىپ جاتقانىنا 30 جىل. وسى ۋاقىت ارالىعىندا قازاقستان الەمدە جەكە دارا دەربەز ەل ەكەنىن دالەلدەي ءبىلدى. ءوزىنىڭ بەلگىلەنگەن شەكاراسى، ءدىنى مەن ءتىلى، مەملەكەتتىك رامىزدەرى مەن ۇلتتىق قۇندىلىقتارى، مادەنيەتى مەن ءسالت-داستۇرى بار تاۋەلسىز زايىرلى ەلگە اينالدى.

1991 جىلى 16 جەلتوقسان الەم كارتاسىندا جاڭا جاس قازاقستان رەسپۋبليكاسى پايدا بولدى. بۇل تاۋەلسىزدىك قانشا عاسىردان بەرى ارمانداپ كەلە جاتقان بۇرىنعى اتا-بابالارىمىزدىڭ اڭساعان ارمانى، انالارىمىزدىڭ كوز جاسى. قازاقستاننىڭ تاۋەلسىزدىگىن العاش مويىنداعان ءتۇبى ءبىر تۇركيا ەلى. تەك ءبىر ەل عانا ەمەس، بارشا الەم ەلدەرى مويىنداپ، قولداۋ كورسەتتى. ەركىندىككە قول جەتكىزگەن جاس مەملەكەتتىڭ الدىندا جاسالىناتىن كوپتەگەن جۇمىستار تۇردى. ءوزىنىڭ ىشكى جانە سىرتقى ساياساتىن، ەكونوميكاسى مەن ۆاليۋتاسىن قالىپتاستىرۋ سىندى جاۋاپتى جۇمىستار تۇردى. وسىنىڭ ءبارىن وتىز جىلدا ورىنداپ، الەم جۇرتىنىڭ الدىندا ءوزىننىڭ داڭقتى ەل ەكەنىن مويىنداتا ءبىلدى.

قازىرگى تاڭدا تاۋەلسىزدىك – بارشامىز ءۇشىن ەڭ اسىل قاسيەتتى كۇن. بۇل مەملەكەتىمىز بەن حالقىمىز ءۇشىن ەڭ باستى ءارى قۇندى مەرەكە بولماق. تاۋەلسىز ەلىمىز شيرەك عاسىرعا جۋىق ۋاقىت ىشىندە قارجى داعدارىستارىنىڭ قيىندىقتارىنا قارسى تۇرا ءبىلدى، تۇراقتى دامۋ جولىنا ءتۇسىپ، بيىك بەلەستەردى باعىندىردى، تالاي جەتىستىكتەرگە قول جەتكىزدى، الەمدەگى باسەكەگە قابىلەتتى 50 ەلدىڭ قاتارىنا ەندى.مەملەكەت باسشىسىنىڭ ەلدى دامىتۋداعى ستراتەگيالىق باعدارلامالارى مەرزىمىنەن بۇرىن جۇزەگە اسىپ كەلەدى. وسى كەزەڭدە جەتكەن جەتىستىكتەرىمىز قانداي؟ بۇل سۇراقتارعا جاۋاپ بەرىپ، وتكەن جىلدارعا قورىتىندى جاساپ، ماڭگىلىك  ەل بولۋعا بەكىنگەن مەملەكەتىمىزدىڭ  بۇگىنى مەن كەلەشەگى تۋرالى وي تولعايتىن كەزەڭ.

"تۇران" ۋنيۆەرسيتەتىنىڭ 3 كۋرس  ستۋدەنتى ەلريزا باۋىرجان قىزى

---