InfoHub Logo

قازاقستاندا جاڭا داتا-ورتالىقتار القابىنىڭ قۇرىلىسى باستالادى. بۇل جوبا پاۆلودار وبلىسىندا، ەكيباستۇزدىڭ ەنەرگەتيكالىق تورابىنىڭ جانىندا جۇزەگە اسادى. جوبا اياسىندا سەرۆەرلەر، بۇلتتى قىزمەتتەر جانە جاساندى ينتەللەكت جۇيەلەرىن ورنالاستىرۋعا ارنالعان الاڭ قۇرىلادى.

بۇل تۋرالى Infohub.kz اقپارات اگەنتتىگى حابارلايدى.

جوبانىڭ اۋقىمى

جوبا ءۇشىن 200 گەكتار جەر بولىنگەن، ال بولاشاقتا بۇل اۋماق 1300 گەكتارعا دەيىن كەڭەيتىلۋى مۇمكىن. داتا-ورتالىقتار ءۇشىن تۇراقتى جانە ۇلكەن كولەمدە ەلەكتر ەنەرگياسى قاجەت بولعاندىقتان، بۇل جەردىڭ ەنەرگەتيكالىق ينفراقۇرىلىمى ماڭىزدى ءرول اتقارادى.

ينۆەستيسيالار جانە جۇمىس ورىندارى

جوباعا 30 ميلليارد دوللار كولەمىندە شەتەلدىك ينۆەستيسيالار تارتۋ جوسپارلانۋدا. ۇكىمەت بۇل جوبا ارقىلى ءىرى حالىقارالىق تەحنولوگيالىق كومپانيالاردى تارتۋدى جانە ەنەرگەتيكا، IT جانە ەسەپتەۋ قۋاتتارىن پايدالانۋ سالالارىندا 500 جاڭا جۇمىس ورنىن اشۋدى كوزدەيدى.

ۇكىمەتتىڭ قولداۋى

ينۆەستورلار ءۇشىن ارنايى ەكونوميكالىق ايماقتار قاعيداتى بويىنشا دايىن ينفراقۇرىلىم، ارنايى تاريفتەر جانە سالىق جەڭىلدىكتەرى ۇسىنىلادى. پرەمەر-مينيستر بۇل جوبانى جەكە ءوزى قاداعالايتىنىن مالىمدەدى: "بۇل – بولاشاق يندۋسترياسى. ءبىزدىڭ باسەكەلەستىك ارتىقشىلىقتارىمىزدى پايدالانۋ ماڭىزدى. جوبا ءۇشىن بارلىق قاجەتتى شەشىمدەردى قابىلداپ، بيۋروكراتياسىز العا جىلجۋىمىز كەرەك. مەن بۇل جوبامەن جەكە اينالىسامىن".