قازاقستاندا 63 جاستان اسقان 67 ستۋدەنت وقىپ ءجۇر — كوميتەت

جوعارى جانە جوعارى وقۋ ورنىنان كەيىنگى ءبىلىم بەرۋ كوميتەتى 2025 جىلدىڭ جەلتوقسانىنداعى دەرەك بويىنشا 63 جاستان اسقان 67 ادامنىڭ جوو-لاردا وقىپ جاتقانىن حابارلادى.

ولاردىڭ 11ء-ى مەملەكەتتىك ءبىلىم بەرۋ تاپسىرىسى اياسىندا وقيدى.

63 جاستاعى ستۋدەنتتەر سانى 9 ادامدى قۇرايدى، سونىڭ 2ء-ۋى مەملەكەتتىك تاپسىرىس ەسەبىنەن ءبىلىم الۋدا.

وقيتىن دەڭگەيلەرى بويىنشا: 36 ادام باكالاۆرياتتا، 23 ادام ماگيستراتۋرادا، 8 ادام دوكتورانتۋرادا.

كوميتەتتىڭ مالىمەتىنشە، اتالعان جاستاعى ستۋدەنتتەر مەديسينا، فارماسيا، پسيحولوگيا، لينگۆيستيكا جانە باسقا دا ماماندىقتاردا ءبىلىم الۋدا.

مىسالى، ياساۋي اتىنداعى حالىقارالىق ۋنيۆەرسيتەتتە تۇركيا ازاماتى قادريە ىشىكلى وقيدى.

ىستامبۇلدىڭ 69 جاستاعى تۇرعىنى ۋنيۆەرسيتەت تاريحىنداعى ەڭ جاسى ۇلكەن ستۋدەنت اتاندى.

2023–2024 جىلدارعا قاتىستى ستاتيستيكا دا ۇسىنىلدى: 2023 جىلى 63 جاستان اسقان 39 ادام وقىعان (ونىڭ 4ء-ۋى گرانتتا)، 63 جاستاعى 3 ادامنىڭ ەشقايسىسى گرانتتا بولماعان.

2024 جىلى بۇل كورسەتكىش 67 ادامعا جەتتى، ولاردىڭ 8ء-ى گرانتتا وقىعان؛ 63 جاستا 14 ادام ءبىلىم العان، سونىڭ 1ء-ۋى مەملەكەتتىك تاپسىرىس ەسەبىنەن.