InfoHub Logo

قازاقستاندا بارلىق جولاۋشىلار پويىزدارىنا بەينەباقىلاۋ جۇيەسى ورناتىلادى،- دەپ حابارلايدى Infohub.kz.

جىل سوڭىنا دەيىن ەل اۋماعىنداعى بارلىق جولاۋشىلار پويىزدارى بەينەكامەرالارمەن تولىق جابدىقتالماق. جوبا قۇقىقبۇزۋشىلىقتاردىڭ الدىن الىپ، قوعامدىق ءتارتىپتى كۇشەيتۋگە باعىتتالعان. سونىمەن قاتار، جولاۋشىلار ۇمىتىپ كەتكەن زاتتاردى انىقتاۋعا، توتەنشە جاعدايلاردى، بۇزاقىلىقتى جانە ءتۇتىن شىعۋ دەرەكتەرىن تىركەۋگە مۇمكىندىك بەرەدى.

مامانداردىڭ ايتۋىنشا، زاماناۋي كامەرالار بەت-الپەتتى تانۋ تەحنولوگياسىمەن جابدىقتالعان. بۇل قىلمىسقا قاتىسى بار تۇلعالاردى انىقتاۋعا سەپتىگىن تيگىزەدى.

بۇگىندە 4000-نان استام بەينەكامەرا ورناتىلىپ ۇلگەرگەن. جالپى، 112 باعىتتاعى پويىزدارعا باقىلاۋ جۇيەسىن ەنگىزۋ كوزدەلىپ وتىر. جوبا كەزەڭ-كەزەڭىمەن جۇزەگە اسىرىلىپ، جىلدىڭ سوڭىنا دەيىن تولىق اياقتالماق.