قازاقستاندا دارى-دارمەك باعاسى 30%-عا ارزانداۋى مۇمكىن
قازاقستاندا دارى-دارمەك باعاسى 30 پايىزعا دەيىن تومەندەۋى مۇمكىن. بۇل تۋرالى دەنساۋلىق ساقتاۋ ۆيسە-مينيسترى ەرجان نۇرلىبايەۆ ورتالىق كوممۋنيكاسيالار قىزمەتىندە وتكەن بريفينگتە مالىمدەدى.
ونىڭ ايتۋىنشا، مينيسترلىك دارى-دارمەك باعاسىن قالىپتاستىرۋ مودەلىنە وزگەرىس ەنگىزىپ، شەكتى باعالارعا قوسىلاتىن ءبىرقاتار ۇستەمە تولەمدەردى — سونىڭ ىشىندە ماركەتينگ، كولىك جانە كەدەن شىعىندارىن — الىپ تاستاعان.
«قازىرگى ۋاقىتتا جاڭا مودەلدى سىناقتان وتكىزۋ ءۇشىن فارماسيەۆتيكالىق قاۋىمداستىقپەن تىعىز جۇمىس جۇرگىزىلىپ جاتىر. ءمامس اياسىندا دارىلەر قۇنى شامامەن 19%-عا، ال كوتەرمە جانە بولشەك ساۋدادا 30%-عا دەيىن تومەندەيدى دەپ كۇتىپ وتىرمىز»، – دەدى ۆيسە-مينيستر.
بۇل وزگەرىستەر حالىقتىڭ دارى-دارمەككە قولجەتىمدىلىگىن ارتتىرىپ، فارماسيەۆتيكالىق نارىقتى رەتتەۋگە باعىتتالعان.
You Might Also Like
-
2025 جىلى بالا تۋۋ مەن كۇتىمىنە بايلانىستى جاردەماقىلار سالاسىندا قانداي وزگەرىستەر بولدى؟
-
امەريكالىق ميللياردەر يلون ماسك ارنايى ۇكىمەتتىك قىزمەتكەر رەتىندەگى لاۋازىمىنان كەتەتىنىن جاريالادى.
